超震撼必打卡!日本甜品店「士多啤梨登山新地」足足用咗30粒士多啤梨!

超震撼必打卡!日本甜品店「士多啤梨登山新地」足足用咗30粒士多啤梨!

旅遊情報 必食美食
ByJennifer on 02 Jan 2020 Digital Editor

1月剛開始,正正係士多啤梨嘅當造季節。各地甜品店亦趁此推出士多啤梨甜品。

日本大阪一間甜品店就有非常獨特嘅士多啤梨新地,簡直係士多啤梨愛好者必食!

位於大阪嘅「All day dining Hiker」2018年開業,至今未夠2年,但喺IG同Twitter已經非常出名,原因就係佢哋推出咗極具份量嘅「士多啤梨登山新地」。

佢哋推出咗極具份量嘅「士多啤梨登山新地」
Photo from All day dining Hiker

呢個「士多啤梨登山新地」啲士多啤梨堆到勁高,就好似座山咁,因而得名。巨大份量嘅士多啤梨同cream視覺效果超震撼!

據知一杯要用上至少30粒完整士多啤梨,杯底仲有士多啤梨碎粒,士多啤梨愛好者絕對不能錯過!

一杯要用上至少30粒完整士多啤梨,杯底仲有士多啤梨碎粒
Photo from All day dining Hiker

「士多啤梨登山新地」有3種size,普通size係相對較正常嘅新地,有大約4層士多啤梨;「富士山」size有約7層士多啤梨;終極版「珠穆朗瑪峰」size更多達10層士多啤梨!

普通size係相對較正常嘅新地,有大約4層士多啤梨
Photo from All day dining Hiker

「富士山」size有約7層士多啤梨;終極版「珠穆朗瑪峰」size更多達10層士多啤梨!
Photo from All day dining Hiker

最可愛嘅係喺士多啤梨新地上面仲有啲薑餅人,好似行緊山咁,完美演繹返「士多啤梨登山新地」嘅個名,夠晒名符其實~

82229111_162272938516106_3538649645425177587_n

廣告
廣告

士多啤梨新地上面仲有啲薑餅人,好似行緊山咁,完美演繹返「士多啤梨登山新地」嘅個名
Photo from All day dining Hiker

呢款登山新地只會喺士多啤梨當造期供應,每年都係去到4月底左右。不過錯過咗都仲有其他甜品選擇,包括梨、桃、哈密瓜等。

士多啤梨當造期供應,每年都係去到4月底左右
Photo from All day dining Hiker

仲有其他甜品選擇,包括梨、桃、哈密瓜等
Photo from All day dining Hiker

價錢方面,普通size:2,200円(約港幣$157);富士山size:3,000円(約港幣$214);珠穆朗瑪峰size:3,700円(約港幣$264)

All day dining Hiker

地址:大阪府高石市綾園1丁目9−1 1階 アプラたかいし

營業時間:10:00-00:00(*士多啤梨登山新地 12:00後供應!),每月第三個週二定休

交通:南海幹線高石站東口步行約3分鐘;南海高坂線高浜站出口步行約16分鐘;從奈良海濱高坂濱線,Karasabashi站出口步行18分鐘

可於官網訂位

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook