新年點可以咁冷清～6大必玩Switch Game　炒熱全場氣氛啱晒一班人齊齊玩！

新年除咗去親戚屋企拜年之餘仲有咩好做？唔識打麻雀，但又唔想畀長輩係咁問你嘢，不如同佢喺一齊玩遊戲，分散佢哋注意力呀！

遊戲當然要係適合一班人一齊㗎喇，合力闖關又好互相比鬥都好，最重要就係可以一齊玩。所以新年要會去親戚朋友屋企拜年而又有Switch嘅你哋，快啲睇吓有咩game啱玩喇！

1.Luigi Mansion3（玩家人數：1～8人）

故事模式中，玩家可以控制Luigi/傀Luigi喺洋樓中探險並使用鬼怪吸塵器捕捉鬼魂。而喺多人模式中，8位玩家可以共同遊玩「恐怖高塔」模式或以及4對4嘅模式進行比鬥。

2.Disney Tsum Tsum Festival（玩家人數：1～4人）

遊戲中收錄咗多款派對小遊戲，如經典嘅「迪士尼 Tsum Tsum」消消樂遊戲、「泡泡曲棍球」、「Tsum 滑冰壺」等。遊戲玩法簡單，啱晒同一班長輩一齊玩～

3.Just Dance 2020 （玩家人數：1～6人）

過年新多咗，咁依款game就一定啱晒呀！佢嘅「揮汗模式」可以睇到自己跳咗幾耐，燃燒咗幾多卡路里，一班人一齊玩仲可以趁機睇吓邊個friend/親戚有手腳唔協調嘅問題，望住佢哋跳應該都會幾好笑！

4.Mario & Sonic at the Olympic Game Tokyo 2020（玩家人數：1～8人）

想Party嘅氣氛更加熱烈，當然唔少得對戰game啦！嚟緊又係東京奧運，遊戲總共包含了20名基本選手，10名來自任天堂Mario遊戲系列，10名來自SEGA Sonic遊戲系列，有競爭得嚟又充滿趣味

5.Tools Up!（（玩家人數：1～4人）

一款考驗友情嘅遊戲，玩家要組團，化身裝修工人合力幫層樓房子裝修。遊戲講求玩家嘅合拍度，喺限時之內要互相配合拆牆紙、搬傢私、鋪牆紙、鋪地毯等。

另外，遊戲中有一樣相信大家都會好鍾意嘅技能，就係可以將豬隊友拎起直接掟出街，有效阻止唔知喺度做咩嘅隊友。

6.Overcooked!／Overcooked!2（玩家人數：1～4人）

依個一定冇人唔識喇！之前冬季時就推出咗新地圖新廚師新食譜。呢隻煮飯仔遊戲，講求極高嘅合作度，你切菜時我睇火，一唔小心亂咗陣腳，就好容易火燒廚房㗎啦！

而就係因為講求互相合作，好容易就會有口舌之爭，嗱記住新年流流，相嗌唔好口啊～

聽日就係大年初一喇！Download齊啲Game去拜年一齊玩未呀？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）