主打大自然文青風!台北桃園機場首間24小時高CP值膠囊酒店 打破傳統擠迫簡陋感

主打大自然文青風!台北桃園機場首間24小時高CP值膠囊酒店 打破傳統擠迫簡陋感

台灣旅遊 台北 旅遊情報 住宿推介
ByCelia on 24 Jan 2020 Digital Editor

近年唔少人去台灣玩都會選擇快閃,收工就直奔機場,畀自己抖抖氣。但咁夜過到去又唔想浪費一晚酒店錢,可以點?!

以後唔使煩喇!因為喺台北桃園機場首間24小時膠囊酒店「町・草休行館」最近開咗幕喇~

台北 桃園機場 膠囊酒店
Photo from The Stay Capsule 町.草休行館

依間主打大自然文青風嘅酒店位於桃園機場2航南側商場內,附近有「臺灣玩藝大街」同觀景台,無論你想睇近距離觀賞飛機升降定食嘢都十分方便。

酒店以原木裝潢,加上淡綠色作為主色調,一入到去就聞到淡淡嘅茶香,住宿嘅旅客可以喺依度品吓茶,畀你體驗多元嘅茶文化,啱晒坐凌晨機或轉機嘅旅客喺度休息。

台北 桃園機場 膠囊酒店
Photo from The Stay Capsule 町.草休行館

台北 桃園機場 膠囊酒店
Photo from The Stay Capsule 町.草休行館

另外,酒店亦打破傳統膠囊酒店畀人擠迫同設備簡陋嘅感覺,而且私隱度較高,膠囊房同浴室洗手間都係男女分開嘅,床位分別有上下層嘅單人床(3平方米),及更闊落嘅雙人床(6平方米)配長型木櫃。

台北 桃園機場 膠囊酒店
Photo from The Stay Capsule 町.草休行館

台北 桃園機場 膠囊酒店
Photo from The Stay Capsule 町.草休行館

全部房型都包括床位及共用浴室洗手間,浴室內均有提供沐浴乳、洗髮乳同Dyson風筒,不過毛巾、牙刷等依啲個人備品就需要自備或喺前台租借/購買。

台北 桃園機場 膠囊酒店
Photo from The Stay Capsule 町.草休行館

至於收費方面,酒店以2小時起計,最多6小時,首次2小時單人床位TWD500,之後的每小時再加TWD150。按時收費只接受單人床位嘅即場預約休息(每晚8時至隔日清晨6時),預約時間為入住前半小時。

廣告
廣告

台北 桃園機場 膠囊酒店
Photo from The Stay Capsule 町.草休行館

而過夜嘅入住時間為下午4點至上午10點,膠囊單人床位為TWD1,080起(星期日至四),星期五、六為TWD1,350起;雙人房或三至四人房為TWD2,160~TWD3,600起(星期日至四),星期五、六則TWD2,700~TWD4,500起。特殊假期房價亦會有所上升。

台北 桃園機場 膠囊酒店
Photo from The Stay Capsule 町.草休行館

台北 桃園機場 膠囊酒店
Photo from The Stay Capsule 町.草休行館

以嚟緊嘅農歷新年為例,1月25日入住,1月26日退房嘅話,平日單人床位TWD1,440一晚,雙人房TWD4,500一晚,四人房TWD5,400一晚。

台北 桃園機場 膠囊酒店
Photo from The Stay Capsule 町.草休行館

就咁睇價錢都唔算好平,不過勝在方便,CP值高,下次夜機去台北玩又唔想浪費一晚酒店錢不妨試吓呀~

町・草休行館
地址:大園區航站南路9號5樓南側
電話:03-383-4683

前往方法:機場捷運線第二航廈站,再到3樓出境大廳往5樓南側商場。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook