【香港肺炎疫情地圖】4大香港肺炎疫情地圖 即時更新確診名單／高危地區／患者逗留地點

武漢肺炎疫情持續，截至2月4日，本港已經有18宗確診武漢肺炎個案，當中一人不治。以下係香港多個武漢肺炎資訊網站，畀大家可以隨時了解最新同最齊嘅疫情情況、資料同地圖。

1. 衞生署

衞生署衞生防護中心設有「嚴重新型傳染性病原體呼吸系統病」專頁，內有疫情最新情況，更列出過去14日確診個案出現病徵期間曾逗留過嘅大廈、航班、火車同船等。

2. 香港武漢肺炎疫情地圖

有網民自製香港武漢肺炎疫情地圖，配合Google Map使用，地圖整合咗同疫情有關嘅地點，例如確診患者居住地方、未來有可能用於檢疫、隔離或處理屍體地點、確診人士曾經到過嘅地方等。

3. 香港政府武漢肺炎疫情網頁

 香港地理數據站、空間數據共享平台及地政總署開發咗「新型冠狀病毒感染—香港最新情況」，網站版面簡約，一目了然。網頁會為市民定時更新疫情狀況，包括整合確診同懷疑個案。

4. 武漢肺炎民間資訊

呢個網站資訊齊存，由VOTE4.HK投票指南推出，當中列出每個確診個案嘅最新資料、包括其年齡、入住醫院同背景。亦有懷疑商舖、受影響服務、高危地區及抗疫貼士等資訊，可謂一應俱存。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）