【武漢肺炎】3名香港入境人士於台灣隔離期間失聯＋填假資料 台北政府公開名單尋人！

因武漢肺炎問題，台灣於2月6日起規定香港及澳門入境台灣者，抵台後必須自我隔離14天。不過，今日(2月14日）台北市政府就表示，有3名必須居家檢疫14天的香港人失聯，沒有遵守自我隔離規定，而且更懷疑於入境時填寫假資料！

據台灣民政局官網公布所知，有3名於2月8日入境的香港人，理應於抵台後要自我隔離14天，但防疫人員兩次以上聯繫之後，又透過了警政機關協尋，但依然搵唔到人！三人填寫的檢疫地點都係臺北市萬華區武晶街，但留嘅電話都係中華電信嘅客戶服務中心，相信係有預謀地填假資料，再逃避居家自我隔離。

Photo from 台灣民政局官網

今次係台灣第一次公佈失聯人員嘅個人資料，希望群眾可以幫忙尋人，而當時人見到都可以聯絡當局。3個人都係於香港入境，但台灣政府就無透露國藉同年齡。無論係咩國家、地方嘅人都好，去得旅行都要遵守當地嘅法律，特別係武漢肺炎呢種情況，唔好再為他國添麻煩喇～

最新消息：台灣當局表示失蹤3港人已於西門町尋回，將集中隔離且重罰！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）