預計每天逾4萬個！香港家庭教育學院宣佈自產口罩　首批將免費派發予長者及醫護

武漢肺炎（新冠肺炎）疫情持續，連月嚟一直未有受控嘅跡象，而港人日日為抗疫物資頻撲。

雖然唔少熱心人都有錢出錢，有力出力幫助有需要嘅人，更有熱心機構/公司更為咗確保香港未來可以有更多口罩供應，喺香港設立口罩廠。

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

而香港家庭教育學院就宣佈，佢哋早前訂購嘅五部口罩機，第一部機上周已喺無塵車間完成組裝，現時已開始生產口罩。

Photo from 逆境同行

學院總監狄志遠指於香港設廠生產口罩係希望可以令口罩能有穩定嘅供應量，同時亦希望為港人做啲嘢。

佢哋預計口罩首月嘅生產量約30萬個，即每天約逾4萬個，而喺第二個月開始，口罩產量可提升至每星期70萬個。

Photo from shutterstock

口罩會分為兩部份分發，第一部份會免費派發予長者、個別行業有需要嘅員工以及醫療救傷機構等，口罩會透過政府政策創新與統籌辦事處及行政會議成員等單位協助分發。

Photo from 逆境同行

而另一部份口罩就會對外配售，售價約每個2元，透過私家醫生、牙醫及獸醫網絡向診所供貨，亦會與護士協會、有需要嘅非牟利機構以及區議會合作，供應畀香港嘅有需要人士。

真係希望快啲有足夠嘅口罩，令大家唔使再咁頻撲！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）