肺炎大爆發！《無聲絕境2》《花木蘭》等電影全球撤檔！《F9狂野時速》延遲1年上映

新冠肺炎（即武漢肺炎）喺全球大爆發，大家都避免去人多嘅地方。

多國嘅戲院都關閉，電影業大受打擊！

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

之前《007：生死有時》就宣布由4月延至11月上映，琴日再有好多大片亦紛紛宣布上映延期。

由於疫情已蔓延全球，就算已開始宣傳嘅大製作都推遲上映日期。

好似《無聲絕境2》，原定4月16號上映，但由於疫情宣布延期上映，但新上映日期未定。

而另一套迪士尼真人版電影《花木蘭》，原定3月喺全球上映，早前更於美國、倫敦舉行首映禮。

不過同樣因為肺炎疫情，倫敦首映後就宣布電影全球撤檔，新上映日期未定，但外媒就指迪士尼計劃今年內會喺全球重新上映。

《F9狂野時速》亦宣布延遲1年，改至出年4月上映。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

迪士尼真人電影《花木蘭》劉亦菲造型公開！ 甄子丹/李連杰/鞏俐 超強演員陣容！

14 Aug 2018

迪士尼近年推出多套真人版電影，繼Emma Watson主演嘅《美女與野獸》大獲好評之後，《花木蘭》真人版電影早前已經公佈咗女主角花木蘭由劉亦菲出演，令眾多影迷非常期待！

呢套電影宣佈正式開機，公開咗「花木蘭」嘅造型，並且公佈完整嘅演員陣容，當中有唔少大家熟悉嘅演員，真係令人超級期待啊！

Photo from Disney

Photo from 《Mulan》

劉亦菲著住紅色衫，拎住劍，好有英氣！

除咗劉亦菲之外，仲有唔少香港人熟悉嘅演員都會出演！之前公佈嘅演員陣容方面，甄子丹會飾演木蘭嘅老師Tung。

Photo from 《葉問3》

而李連杰就會出演皇帝一角。

Photo from 維基百科

Photo from 《Mulan》

至於戲入面嘅大反派，就係由鞏俐飾演，佢喺戲入面係女巫，呢個角色係動畫版無嘅，但喺真人電影版會係重要角色！

Photo from 《孫悟空三打白骨精》

而迪士尼仲宣佈鄭佩佩亦都會加入添！唔知佢係咪飾演木蘭嘅嫲嫲呢？

Photo from 《唐伯虎點秋香》

Photo from 《Mulan》

電影預計會喺2020年3月喺北美上映，依家已經超級期待喇！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）