【名牌抗疫】緊隨步伐 Nike/Estee Lauder宣佈生產防護用品/洗手液供醫護人員使用
新冠肺炎全球肆虐，零售業大受打擊。
繼早前多個國際時尚品牌如Louis Vuitton、Balenciaga及Saint Laurent、H&M等先後宣佈生產搓手液及口罩後，近日著名運動品牌Nike亦宣佈加入生產行列，為醫護界生產醫療防護裝備。
Photo from Nike
除Nike早前承諾提供超過$1500萬美金抗疫之外，佢哋近日就宣佈為醫護研發個人防護設備，喺專業團隊OHSU嘅指導下研發出符合規格嘅面罩及其他醫療用品。
Photo from shutterstock
Nike CEO John Donahoe表示將為醫護研發個人防護裝備，將會喺專業團隊指導下，研發並製造符合醫療規格嘅面罩供醫護使用：「好像Nike這樣的公司需要盡一分力量，公司將根據俄勒岡健康與科學大學（OHSU) 團隊及衛生專業人員要求，開發面罩及其他醫療產品。」
Photo from shutterstock
而OHSU團隊亦於聲明感謝Nike：「非常感謝 Nike 團隊，在這史無前例的情況下，為 OHSU 與其他衞生組織的協作提供慷慨幫助。我們會持續討論開發面罩的工作，以確保醫療人員的安全和福祉。」
Photo from Nike
另外，Nike亦喺IG呼籲，希望大家為抗疫一同努力，留喺家中切勿外出，一同渡過今次難關。而佢哋嘅實體店面亦已喺3月15日起暫定營業。
除此之外，另一國際時尚化妝品牌Estee Lauder依日亦宣佈開設製造工廠。
Photo from esteelaudercompanies/IG
而工廠每星期可為前線醫護人員及有需要人士提供1萬支洗手液。
更多相關文章
【名牌防疫】H&M／巴黎世家／YSL／ Gucci／ Prada轉產口罩+醫療防護衣！免費提供法國和意大利醫院使用！
09 Mar 2020
LVMH（LV母公司）上星期一帶頭將旗下嘅香水工廠轉產消毒搓手液之後，法國奢侈品牌Kering旗下嘅「巴黎世家」、「YSL」、「Gucci」最近亦都宣布轉產口罩同醫療防護衣，供法國醫院免費使用！Prada 同H&M今日都話會投入製造防疫物資嘅行列！
因為意大利疫情嚴峻，當地總理宣布所有工廠停工，各大牌子都有配合！唔少奢侈品牌都希望能夠為當地醫護出一分力，紛紛轉產防疫物資，免費提供畀法國/意大利醫院！
Photo from Twitter@Kering
法國奢侈品牌Kering旗下嘅「巴黎世家」、「YSL」、「Gucci」宣布轉為生產口罩同醫用防護衣！GUCCI工廠會提供100萬個口罩同5.5萬套醫療防護衣；「巴黎世家」同「YSL」就共提供300萬套醫療防護衣畀醫院，以一解法國燃眉之急！
Photo from Shutterstock
Photo from Shutterstock
而Prada亦都宣布投入製造口罩行列！Prada其中一個工廠喺上星期三已經開始動工生產8萬份醫用防護衣同11萬等口罩，免費提供畀意大利醫護使用！
Photo from Shutterstock
PRADA集團日前亦捐贈咗兩套完整嘅醫用防護衣畀三間米蘭主要醫院嘅重症加護病房及心肺復甦病房蘭作為冠狀病毒病患緊急治療使用。
Photo from PRADA 官網
加加埋埋，咁多個品牌一共可以生產大約逾310萬件醫用防護衣+111萬個口罩，幫助法國同意大利度過難關！
喺啱啱過去嘅星期日，大眾時裝品牌H&M亦喺網站宣佈，將會投入生產醫療防護衣。
Photo from Shutterstock
Photo from H&M官網
意大利疫情實在太嚴重，死亡率極高，醫護保護措施不足，導致23個醫生死亡，超過4千個醫護染病！希望呢啲防疫物資可以幫到意大利，祝平安！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
