《瘟疫公司》為抗肺炎疫情捐出近200萬 免費追加救世主模式阻病毒爆發
自新冠肺炎（武漢肺炎）疫情爆發以嚟，有網民就發現以傳染病為題材嘅遊戲《瘟疫公司》竟然「神預言」病毒嘅出現。
而中國地區更指遊戲「違反中國法律」而遭到下架。
遊戲開發商Ndemic Creations喺官方網站宣布，將捐出25萬美元（約港幣$190萬）畀流行病預防創新聯盟（CEPI）同世界衛生組織（WHO）。
Photo from 《瘟疫公司》
捐款將作COVID-19抗疫基金之用，資助有關組織研究同開發新冠肺炎（武漢肺炎）嘅疫苗。
Photo from 《瘟疫公司》
《瘟疫公司》創辦人James Vaughan就表示8年前製作呢個遊戲時，從來無諗過現實世界有一日會好似遊戲咁。
Photo from 《瘟疫公司》
喺以往嘅模式中，玩家致力於令自己創造嘅病毒於全球蔓延，最近開發商指會開發一個新模式。
喺新模式下，玩家唔再以製造病毒並傳播開去為目的，而係要成為防疫人員，阻止病毒爆發，拯救世界。
Photo from 《瘟疫公司》
所有遊戲玩家都可以免費獲得更新，公告又指玩家未來都有機會直接透過遊戲捐款畀世衛嘅COVID-19抗疫基金。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
《瘟疫公司》於中國App Store下架 曾神預言冠狀病毒 官方聲明指目前狀況已超出掌控
28 Feb 2020
知名遊戲《瘟疫公司》（Plague Inc.），可以畀玩家自行創造病毒，將病毒傳播至全世界，消滅人類。
而《瘟疫公司》雖然係收費遊戲，但人氣仍然高企，iOS版長期名列前茅。
武漢肺炎爆發後，有人發現《瘟疫公司》5年前已神預言。
Photo from Plague Inc.
1名內地玩家喺2015年1月創造出「冠狀病毒」，並喺內容介紹中指：「2003年SARS疫情已經過去，然而時間已經過去17年，2020（年）新的冠狀病毒變種出現在世界上，現在已經有疫苗和先進的醫療設備來治療這種疾病，而這種病毒和SARS有一定的相似性，這難道是人類的末日嗎？」
Photo from Plague Inc.
不過，最近有內地網友發現已《瘟疫公司》喺中國App Store上「下架」，表示開發人員已移除此App。
Photo from 微博
《瘟疫公司》官方發表聲明指：「我公司收到通知稱《瘟疫公司》『經中國國家網信辦審查存在違反國內法律內容』並從中國App Store下架。目前狀況已經完全超出我方掌控。」
Photo from Ndemic Creations
又表示：「《瘟疫公司》作為一款智能而複雜的獨特模擬遊戲，意在鼓勵玩家積極思考並學習涉及嚴重公共衛生問題的相關知識。我們對中國玩家一向滿懷敬意，並對遊戲無法繼續服務中國玩家的現狀深感不安。」
Photo from Plague Inc.
官方指唔清楚遊戲下架係咪同中國當下正在應對嘅冠狀病毒疫情有關，但表示會全力以赴爭取遊戲重返中國。
事實上《瘟疫公司》呢個遊戲充滿教育性，可以畀玩家了解傳染病嘅種類、特性同防疫方法，亦獲得美國疾管預防中心（CDC）同其他公衛機構認可。
Photo from Plague Inc.
不過大家放心，目前香港App Store仍未下架《瘟疫公司》，仲可以download。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
