肺炎疫情令遊客大減!泰國大象重獲新生!唔洗再載人同表演

肺炎疫情令遊客大減!泰國大象重獲新生!唔洗再載人同表演

時事熱話 生活熱話
ByJennifer on 30 Mar 2020 Digital Editor

新型冠狀病毒蔓延至全球多國,確診感染人數持續上升,多國都實施「封關」,以免疫情進一步擴大。

「封關」措施令各國旅遊大受打擊,但同時又令環境變好,好似意大利威尼斯嘅河水就因此變得清澈。

泰國清邁一個大象營地「Maesa Elephant Camp」,自1976年成立,多年嚟一直都有騎大象服務同大象表演畀遊客參與。

泰國清邁一個大象營地「Maesa Elephant Camp」,自1976年成立,多年地一直都有騎大象服務同大象表演畀遊客參與。
Photo from Maesa Elephant Camp Facebook

不過疫情爆發以嚟,遊客數量大減,令營地生意都受到影響,政府亦下令將營地關閉。

營地老闆決定藉此改變經營模式,由大象表演等活動轉為生態保育。

營地老闆決定藉此改變經營模式,由大象表演等活動轉為生態保育。
Photo from Maesa Elephant Camp Facebook

老闆Anchalee Kalampichit指營地由父親建立,自己於去年接手,佢去過多次大象自然公園,同動物保育人士交流,所以對大象表演都覺得好矛盾。

老闆Anchalee Kalampichit指營地由父親建立,自己於去年接手,佢去過多次大象自然公園,同動物保育人士交流,所以對大象表演都覺得好矛盾。
Photo from Maesa Elephant Camp Facebook

宣傳閉園後,佢第一時間召集員工,叫佢哋折走大象背上嘅座椅,並向公眾宣布將停止騎大象服務同大象表演。

宣傳閉園後,佢第一時間召集員工,叫佢哋折走大象背上嘅座椅,並向公眾宣布將停止騎大象服務同大象表演。
Photo from Maesa Elephant Camp Facebook

大象終於獲得休息機會,可以喺營地內自由活動,老闆指營地日後若能重開,都唔會再喺大象背上裝座椅,營地會改為教育生態知識。

大象終於獲得休息機會,可以喺營地內自由活動,老闆指營地日後若能重開,都唔會再喺大象背上裝座椅,營地會改為教育生態知識。
Photo from Maesa Elephant Camp Facebook

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【地球污染】全球因疫情停擺! 意外令地球變健康 空氣污染得到大改善

20 Mar 2020

新冠肺炎(俗稱武漢肺炎)疫情蔓延至全球,好多國家都暫停大部分嘅經濟活動,開始實施Work From Home等措施,唔畀民眾出門,避免疫情進一步擴散!NASA最近公開咗中國上空嘅衛星雲圖,發現2月比1月嘅空氣污染大幅降低,近乎零污染。疫情意外令地球變得健康!

NASA
Photo from NASA

武漢肺炎12月喺武漢出現,之後好快就蔓延到周邊地區。中國政府喺1月底「封城」,隔離咗近千萬人。新年期間,內地多個地區工廠停工,加上禁止旅遊,飛機、火車同汽車都停駛~NASA透過污染監測衛星觀察到在中國封城期間,空氣質素大大提升!

HolidaySmart
Photo from HolidaySmart

NASA科學家表示,喺疫情影響下,工廠活動創新低!佢哋首先留意到武漢嘅二氧化氮含量降低,之後發現成個中國嘅排放量都有顯著降低。雖然其他國家都有類似情況,但以中國排放量嘅降低速度係最快。NASA空氣質量研究員話:今次係我第一次見到咁大片區域,因為一個特定事件喺短時間內急劇下降!

另一方面,意大利「浪漫水都」威尼斯運河因為遊走嘅船隻少咗,令沉積物沉底,運河河水就因此變得清澈,仲可以清晰見到大量魚仔喺運河入面游水。更有人話喺威尼斯運河見返久違嘅天鵝同海豚添!

廣告
廣告

網上圖片
Photo from 網上圖片

不過專家警告,排放量少咗只係暫時性。當疫情過去,啲人開始投入返工作,排放量就會反彈。加州大學應用研究聯盟總監Christopher Jones表示:如果我哋能夠好似對付流行病咁思考點樣為氣候變化做準備嘅話,相信可以更快令地球變健康。

網上圖片
Photo from 網上圖片

今次都算係因禍得福~不過人類真係要反思吓自己嘅行為對地球造成幾大嘅傷害!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【意大利封關】意大利封關後遊客數量大跌 再現清澈見底威尼斯運河!

19 Mar 2020

意大利新冠肺炎疫情非常嚴重,當地累計確診病例已經突破3萬宗。當局果斷封國,遊客數量大跌,重創當地經濟。但同時,有浪漫水都稱譽嘅威尼斯,好似就因禍得福~威尼斯運河變返清澈見底,仲見到好多魚游水添~

意大利嘅威尼斯運河非常出名,每年都有好多遊客坐住「貢多拉船」泛舟運河。

HolidaySmart
Photo from HolidaySmart

不過遊客數量越嚟越多,部分人更係冇乜公德心,將啲垃圾扔落運河到,搞到條河變到好混濁、污糟。

封咗國之後,有當地居民見到條河變返乾淨,都大感興奮!不約而同喺社交網站分享乾淨威尼斯河嘅相!

FB群組VENEZIA PULITA
Photo from FB群組VENEZIA PULITA

見到水底有好多魚游水啊!

FB群組VENEZIA PULITA
Photo from FB群組VENEZIA PULITA

不過,威尼斯市長辦公室發言人接受CNN訪問時表示,運河變得清澈唔代表水質污染問題改善咗。而係,因為運河上嘅船隻流量減少,令雜質物沉積喺底!但他有提到最近嘅空氣質素的確有改善。

FB群組VENEZIA PULITA
Photo from FB群組VENEZIA PULITA

喺疫情爆發前,威尼斯遊客為患,導致運河底下,積聚咗大量垃圾。舊年有熱心船夫進行清理垃圾行動,打撈到超過2.5噸嘅垃圾!

HolidaySmart
Photo from HolidaySmart

我哋真係唔可以再咁自私,唔係嘅話,全世界嘅靚景都會消失~

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook