病情惡化！英國首相約翰遜入住深切治療部　首相府發聲明否認需使用呼吸機

新冠肺炎肆虐全球，截於周一（6日）全球累計確診個案已超過130萬宗，累計死亡個案達72,636宗。

【武漢肺炎懶人包】：
香港確診人數及家居檢疫名單｜病徵｜潛伏期｜口罩供應｜退機票｜房網退訂｜家居消毒

而於上月底確診嘅英國首相約翰遜（Boris Johnson）喺當地時間4月6日（周一）就有報導指佢病情惡化，並已轉入醫院深切治療部。

Photo from Boris Johnson/twitter

首相府發聲明指，約翰遜病情惡化，已按醫生建議轉入深切治療部，但否認約翰遜要吸氧，及冇需使用呼吸機。

Photo from Boris Johnson/twitter

至於其職務，約翰遜就已交由外相藍韜文（Dominic Raab）暫代其職務，臨時接替首相主持政府事務。

報導中指，藍韜文因抗疫已啟動「戰時內閣」日常會議；而原定周二舉行嘅全體內閣會議則告取消。藍韜文強調政府會如常運作，並將重點放喺落實約翰遜定下嘅抗疫計劃上：「所有能讓我們戰勝疫情及這次挑戰的計劃，都會被執行。」

Photo from gov.uk

而白金漢宮則表示，女王伊利沙伯二世已接獲唐寧街通報有關情況。

Photo from The Royal Family

法國總統馬克龍、加拿大總理杜魯多等多國政要亦有向約翰遜致意。

另外同樣喺今次疫情重災區嘅美國，總統特朗普就指已聯絡約翰遜嘅醫生，表示願提供由兩間美國醫療企業開發嘅療法，及全美國人民都會為約翰遜祈禱。

截於周一（6日）美國累計死亡人數逾1萬人，係繼意大利及西班牙後，第3個病歿者數字破萬國家。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）