長假必睇！5套韓國爆笑綜藝推薦！解謎、治癒、旅遊類綜藝！

放假有咩做？留喺屋企唔一定會生草嘅，網上有好多劇集、綜藝睇。

除咗煲劇之外，睇下綜藝節目輕鬆一下都唔錯，小編為大家推薦5套韓國綜藝，大家長假不妨開嚟睇睇。

1. 《大逃脫》（1~3季）

以密室逃脫為主題嘅真人騷。目前播到第3季。

每季都係原班人馬出演，每集主題各有不同，佈景、製作超認真。小編推薦必睇喪屍、惡靈千海明系列，非常刺激！

呢套綜藝有齊爆笑、緊張刺激、解謎等元素，最厲害嘅係節目組可以將3季唔同集數嘅故事連結成一個「大逃脫」宇宙觀。

2. 《新西遊記》（1~7季）

目前已播出7季，節目設定來源於4大名著之一嘅《西遊記》同日本漫畫《七龍珠》。

成員會擔任其中一個角色，一齊去旅行，並喺旅程中完成各種任務，以獲得龍珠。

《新西遊記》嘅成員往往可以令一個簡單小遊戲變得好好笑，其中第五季仲嚟香港拍攝添！

仲有外傳節目《姜食堂》都好好笑～

3. 《超人回來了》

《超人回來了》係一套觀察型綜藝，紀錄韓國名人爸爸喺無妻子協助下獨力照顧孩子嘅48個鐘。

節目播出以嚟有唔少家庭參與過拍攝，現時Gary同仔仔姜好都係其中一個家庭。

小朋友嘅世界好純真，有時見到佢哋天真嘅行動會令人會心微笑。

William、Bently威本兄弟、書言書俊雙胞胎、宋家三胞胎、秋小愛、Gary仔仔姜好等家庭嘅可愛日常可以治癒大家心靈！

4. 《Heart Signal》（1~3季）

愛情真人騷。節目中8位年輕男女於「信號小屋」中合住一個月，主持對佢哋彼此之間出現嘅信號進行推理嘅綜藝節目。

節目中8位入住信號小屋成員都係素人，每日可向心儀嘅1人發送簡訊（不可公開自己身分）。

小編都唔睇呢知節目唔知，原來睇人曖昧、約會係咁有趣！

5. 《無限挑戰》

雖然第一季已暫告一段落，但之前有好多經典特輯值得重溫。

每星期以不同主題同形式獨立製作，由於集數太多，如果未睇過，小編建議由「歌謠祭」睇起，2011年嘅歌謠祭有G-Dragon同Psy出演。

另外2012年304~306集嘅「介·醜·友慶典」（11月17、24號、12月1號播出）都值得一睇～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）