盜版影視網遭大規模掃盪！繼「楓林網」創辦人被捕後　劇迷gimy.tv/小鴨影音等亦相繼關閉！

聽日就喺復活4日連假嘅開始喇，唔少人因為疫情關係都選擇留喺屋企煲劇，但有一個壞消息要同大家講呀～

就係繼尋日台灣流量最大盜版影視網站「楓林網」遭刑事局掃盪後，流量第3名嘅gimy.tv尋晚亦無預警關閉。

Photo from 楓林網

據知，「楓林網」被美國電影協會、日劇協會等6大協會跨海提告，指其違法下載電影，台灣刑事局追查拘捕該網站嘅兩名創辦人，估算侵權高達10億台幣，將依著作權法移送法辦。

Photo from 楓林網

而喺「楓林網」遭掃盪後，其餘多個類同網站包括「gimy.tv」、「小鴨影音」等流量大嘅影視網亦相繼關閉。

「gimy.tv」就喺網站上貼出一張寫有「有相遇必有分離的一天，謝謝各位影迷們，我們後會有期」嘅圖，同各位影迷道別。

Photo from Gimy.tv

繼唔少免費影視網站接連關閉，網路上唔少網友都怨聲四起，抱怨指「冇得再追劇」、「咁長時間都要留喺屋企咩算」之類。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）