馬來西亞懷孕30周醫生堅守崗位 網民集氣祝福：最緊要母子平安！

全球各地都因為新冠肺炎（武漢肺炎）嘅緣故，醫療系統面臨崩潰邊緣，醫護人手非常缺乏，醫療設備嚴重短缺！有醫護需要用垃圾袋等當保護衣、有選美冠軍放棄虛名，返回崗位！今次就有孕婦醫護堅守前線救人！

Photo from 马来西亚新冠病毒COVID-19病毒分享消息站

馬來西亞有位懷孕30周（7個月左右）嘅女醫護仍然著住保護衣，戴上口罩上前線抗疫！30周大嘅BB，已經對巨大嘅聲音同震動有反應，同埋BB嘅眼睛已經能夠自由開合同辨認光源。

有網民就喺討論區公開感謝佢嘅無私付出：「她懷孕30周，仍在前線搶救人命，謝謝你！」

Photo from 马来西亚新冠病毒COVID-19病毒分享消息站

唔少網民都好心痛佢，並留言為佢打氣：「最緊要母子平安！」「感動但也為您擔心，妳應該要好好休息的。請您一定要好好照顧自己❤️❤️❤️」！

希望大家都要「Stay At Home」，安守本分，咁就可以避免有市民、醫護犧牲！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）