日本千葉縣停辦佐倉鬱金香節　為防人潮聚集市政府狠心剷起80萬朵花

新冠肺炎全球疫情持續，日本早前就宣佈全國進入緊急狀態，但喺疫情之下各種花卉依舊盛開。

而每年嘅喺櫻花期過後，係喺日本千葉縣佐倉市嘅「佐倉鬱金香節」，以風車作背景嘅佐倉故鄉廣場係關東地區最大規模嘅鬱金香花海。

Photo from Twitter

本來預計會喺今個星期滿開嘅80萬棵鬱金香，喺上星期就已經全部被剷起晒喇！

Photo from Twitter

根據《朝日新聞》報導，因為鬱金香花田可以自由進出，當地市政府為咗減低國民染病嘅機會，所以就同市觀光協會達成協議取消今年嘅鬱金香祭，並將全部鬱金香剷起，亦已關閉停車場。

Photo from 千葉縣佐倉市官方網站

有住喺附近嘅攝影師得知消息後，更特意去影低鬱金香被剷嘅一刻，慨嘆雖然係迫不得已嘅考量，但亦覺得花卉太可憐。

Photo from Twitter

希望出年可以再睇過喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）