韓劇《夫妻的世界》大結局搶先看！原著男主角再度出軌 小三結局超悲慘(含劇透)

韓劇《夫妻的世界》自播放以來一直人氣高企，更不斷擦新自身的收視去到 20%，《夫妻的世界》目前一播到第 8 集，16 集完，相信好多人都對《夫妻的世界》大結局充滿期待，小三會有咩下場，大婆又會點樣還擊，下文就等小編同大家一齊討論下啦！(含《夫妻的世界》劇透)

《夫妻的世界》呢套韓劇改編自BBC劇集《Doctor Foster》，講述由金喜愛、朴海俊主演的一對模範夫妻，因為女方發現老公出軌而揭穿報復的故事。

Photo from JTBC

目前，劇情去到李泰吾（朴海俊飾）同小三呂多景（韓素希飾)結婚後仲生咗個女，無恥到帶埋成家人回歸，跟蹤刺激女主角，將新居佈置到舊居一樣，超級可怕！

Photo from JTBC

女主角當然會還擊啦，佢拎着獵槍現身達官貴人嘅太太聚會，喺小三呂多景嘅支持下，成功加入太太們的「女友會」，開展第二輪還擊！

Photo from JTBC

Photo from JTBC

韓版目前播到以上情節，由於同原版《Doctor Foster》相比，還原度相當高，所以網友們猜想接下來嘅情節，應該會係女主角金喜愛勾引返李泰吾轉頭，令到小三正印呂多景嬲爆帶走女兒，男主角因此工作、家庭都無晒！最後二人兒子更加離家出走，令到兩個家庭都家不成家。

Photo from JTBC

當年《Doctor Foster》播出大結局之後，唔少劇迷都非常不滿，因此今次韓劇劇迷們，都希望編劇可以改編一下大結局，唔知最後會點樣呢～目前韓劇《夫妻的世界》可以於黃色 ViuTV APP 睇到，一齊追呢套緊張又刺激嘅韓劇啦！

Photo from VIUTV

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）