墨西哥現超夢幻藍色螢光沙灘　60年後再現奇景！

旅遊攻略旅遊新聞

By Celia on 27 Apr 2020

Digital Editor

藍色嘅螢光沙灘唔少人都一定聽過，但又有幾多人親眼見過呢？！

而最近大家因為新冠肺炎而都盡量留喺屋企，加上各國實施出入境管制，各國嘅旅客量大減，唔少以往充滿旅客嘅地方都冇晒人，生態環境亦有所改變。

早前喺墨西哥Acapulco嘅一個沙灘上就出現咗一個超夢幻嘅自然現象 - 藍色螢光沙灘（又名：藍眼淚海灘）！

Photo from LDanira/Twitter

依個美景係緣於海中嘅浮游生物引起嘅「生化反應」，一般生存喺較溫暖嘅海域，佢哋嘅細胞入面有螢光素，受到海浪拍打就會發出幽幽嘅藍色光芒，就好似一粒粒藍寶石散落喺海灘上面咁。

Hola @marthadebayle te comparto unas fotos de la bioluminisencia que por primera vez pude ver en Acapulco! Saludos pic.twitter.com/wXI7nxIlxe

— Laura D. (@LDanira) April 21, 2020

依種浮游生物只要受到外力刺激，就會發出藍色螢光。

海洋生物學家Ayala Duval認為今次依個現象同海灘上嘅遊客減少有關，因為這個沙灘平時遊客密集，已經有60年冇出現依個現象，更稱依個係奇蹟嚟。

Les comparto unas fotografías tomadas anoche en Puerto Marqués, Acapulco, donde se registró el arribo de millones de organismos con bioluminiscencia.
?? Cuidemos nuestro único y bendito HOGAR ?. ¡ RT! #DiaDeLaTierra pic.twitter.com/ZQK3yqo7KJ

— Antonio Esquinca (@aesquinca) April 22, 2020

而喺美國加州依個現像唔止出現喺海邊，有人就喺船上拍到暢游中嘅海豚亦因此喺漆黑中嘅海面發光咁，就好似童話故事中先有嘅場景一樣。

❗️Esto merece ser visto por todo el mundo, por favor RT??❗️
En Newport Beach, Ca, USA, el Capitán R. Lawler y el Fotógrafo P. Coyne captaron delfines fluorescentes, efecto de luminiscencia en el Océano Pacífico durante la noche.
????
¡Qué maravilla! pic.twitter.com/E5SvjqhH6W

— Antonio Esquinca (@aesquinca) April 27, 2020