全球最大的北極臭氧層破洞極速「埋口」！由發現存在至修復只有約1個月！

3月中嘅時候，有科學家發現北極出現全球最大嘅臭氧層破洞，情況極不尋常！時隔一個月左右，呢個破洞最近就被發現已經「埋口」！唔少網民對呢次極速修復到嘅臭氧層洞都好surprise~

Photo from Daily Mail

Photo from DailyMail

Copernicus' Atmosphere Monitoring Service嘅科學家指，呢次極速修復同全球封關，空氣污染減少無關！3月時嘅北極臭氧洞面積係格陵蘭嘅3倍。專家表示，强烈極地漩渦（Polar Vortex）導致嘅低溫引發臭氧洞；而個破洞「埋口」就同突如其來嘅暖空氣有關！

Photo from Twitter@Copernicus Atmosphere Monitoring Service

根據紀錄，北極嘅氣溫平均都高過南極，所以北面好少會定期出現臭氧層穿窿嘅現象；不過喺南方就係每年都會出現！所以當北極出現史上最大嘅臭氧洞嘅時候，令科學家們非常震驚！

臭氧層就係用嚟吸收太陽光中大部分嘅紫外線，保護地球生物，免受強烈紫外線侵害！如果人類皮膚接觸強烈紫外線的話，會增加患皮膚癌嘅風險！紫外線亦有機會破壞農作物生長，分分鐘會引發糧食短缺危機！

Photo from shutterstock

Photo from shutterstock

即使同空氣污染、封關無關，但都係一件好事！而全球其他地方嘅臭氧層破洞都正慢慢修復，亦有報導指今年嘅臭氧層破洞係38年來最細，希望好快會有返個健康嘅地球！

資料來源：DailyMail

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）