謝東閔IG反擊：謊言巧語後講大話！黎振燁被傳媒影到箍煲成功

TVB兩位藝人Ashley朱智賢同已為人夫嘅黎振燁，早前上山偷食...蛋糕後引發嘅第三者破壞家庭風波，當大家以為Ashley同男友謝東閔開記者會後告一段落，點知原來花生陸續有來，潛水多日嘅黎振燁被傳媒影到箍煲成功，陪太太外出時向傳聞解釋戀情後，就引來Ashley男友謝東閔IG大反擊。

黎振燁事件後首次回應偷食事件

自從人夫黎振燁同朱智賢爆出偷食事件後，一直潛水嘅男主角黎振燁被傳媒影到箍煲成功，陪伴大肚嘅太太外出。記者問到有關今次戀情時，黎振燁自爆同朱智賢嘅戀情只係維持咗幾個星期，並且答應大家可以抽離呢段感情，做番之前嘅自己。對於自己嘅演藝前途，佢自己就打定輸數，不過就話會為咗BB努力賺奶粉錢。同時又話，其實自己平時唔會特別聯絡女同事，即時令人聯想係朱智賢主動埋身。

謝東閔嬲到IG出post大反擊

報導登出後，身為Ashley男友嘅謝東閔即刻嬲到著燈，即時喺個人IG上出post嬲賤男黎振燁，「點解一個人用完謊言巧語之後，還可以站出來講大話#黎振燁」正面向呢位人夫開火，登出半日就有六千幾位網民俾Like支持，當中包括部份TVB藝人。雖然謝東閔被網民笑戴綠帽，但全力護住女友嘅表現，亦被網民稱讚最佳男朋友

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）