疫情及禁止捕魚地區擴大令成本大增　 冰島僅存兩家最大捕鯨公司宣布停捕

新冠肺炎疫情下，地球上唔少環境都得到恢復，唔少地方更出現奇景添！

不過位於冰島僅存嘅兩間大型鯨魚食品加工廠就正正受到今次疫情影響而難以運作，因此宣布停止喺今年夏天展開嘅捕鯨作業，其中一家更指會永久停止捕鯨。

Photo from pinterest

據《法新社》報導，其中一間專門捕捉小鬚鯨嘅公司董事總經理指，自冰島嘅擴大禁止捕魚嘅地區後，捕鯨嘅成本就變得好貴，而喺冰島水域捕鯨已唔再有利可圖：「我永遠不會再捕鯨，我會永遠停止。」

Photo from phys.org

至於另一間捕鯨公司則表示，因去年日本退出國際捕鯨委員會嘅影響，加上疫情當地政府所推行嘅社區隔離措施，令鯨魚肉加工廠難以運作，因此決定今年夏天唔會派船隻出海捕鯨。

Photo from pinterest

而除咗冰島之外，目前全球一共有3個捕鯨國，分別為日本及挪威，當中以冰島嘅捕鯨量最低，唔止今次冰島依兩間捕鯨公司嘅決定會唔會令其餘兩個國家都跟隨呢？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）