泰國有望7月開關！旅遊局將分三階段推機票酒店優惠助重建旅遊業

繼早前有消息指泰國有望7月起國際航班將可進入泰國，而旅客亦有望入境。近日泰國政府旅遊局就公布咗三階段嘅，主打年輕一代嘅旅客，計劃中包括旅客入境安排，資助酒店業、旅行社、航空公司等相關行業，相信到時會有推出唔少機票、酒店、熱門景點優惠方案。

泰國政府近日就正處於第3階解封，唔少購物商場、按摩店、健身中心等都已經重開。

Photo from Presslogic

而泰國政府旅遊局有鑑於政府將於7月1號解除所有因疫情而下嘅禁令（包括緊急狀態同宵禁令），並有意開放旅客入境，就計劃推出三階段旅遊復甦計劃，計劃中包括免泰國簽證收費、延後宵禁時間、針對醫護人員嘅專屬旅遊計劃等。

Photo from Presslogic

三階段旅遊復甦計劃中，第一階段將鼓勵年輕一代於境內旅遊，並喺旅遊產品及服務方面因應旅客需要而作出調整。

Photo from Presslogic

至於，第二、三階段則主要針對外國旅客，旅客入境時須出示健康證明，而喺入境後須進行有關新冠肺炎病毒嘅快速測試，及安裝追蹤裝置以確保旅客安全。

Photo from Presslogic

另外，泰國政府旅遊局亦會資助酒店業、旅行社、航空公司等相關行業，推出不同嘅機票、酒店及行程優惠，吸引旅客到訪。

Photo from Presslogic

除此之外，泰國政府旅遊局仲計劃推於新冠肺炎相關嘅保險，增添旅客到泰國旅遊嘅信心。

咁睇嚟到時又會有唔少泰國嘅機票、酒店、熱門景點優惠可以畀大家揀去抖抖喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）