日本奈良旅客大減 無人餵鹿仙貝反令奈良鹿腸胃變好!

日本奈良旅客大減 無人餵鹿仙貝反令奈良鹿腸胃變好!

旅遊攻略 旅遊新聞
By Jennifer on 08 Jun 2020
Digital Editor

日本受疫情影響,實施入境檢疫措施。政府同時呼籲民眾減少出門。

熱門旅遊地奈良遊客數目減少,一度令奈良鹿「入侵」社區,更走上馬路同人行路。

而且無人餵佢哋食鹿仙貝,令佢哋食路邊植物及居民種嘅盆栽,反而腸胃狀況變好,糞便恢復成「黑豆」狀,身體更加健康!

好多遊客去到奈良,一定會買「鹿仙貝」餵佢哋Photo from PressLogic

好多遊客去到奈良,一定會同可愛嘅奈良鹿仔影下相,又或者買「鹿仙貝」餵佢哋。

不過其實奈良鹿主食唔係鹿仙貝,「奈良の鹿愛護会」代表蘆村義隆就指鹿嘅主食係草同堅果,而鹿仙貝原料係小麥麵粉同米糠,雖然有營養,但食用過量會口渴想飲水,所以鹿仙貝對奈良鹿只係點心。

其實奈良鹿主食唔係鹿仙貝Photo from PressLogic

過去由於有大量旅客餵鹿仙貝畀奈良鹿食,令佢哋腸胃唔好,以往幾年嘅3月起,奈良鹿有腹瀉嘅情況出現。

廣告
廣告

由於有大量旅客餵鹿仙貝畀奈良鹿食,令佢哋腸胃唔好Photo from PressLogic

依家遊客減少,無人餵奈良鹿食鹿仙貝,鹿仔嘅糞便成「黑豆」狀,反映奈良鹿嘅腸胃狀況變得健康。

奈良鹿嘅糞便呈成「黑豆」狀Photo from 一般財団法人 奈良の鹿愛護会

奈良の鹿愛護会表示過去呢幾個月,奈良鹿腹瀉次數大大減少。

過去呢幾個月,奈良鹿腹瀉次數大大減少Photo from PressLogic

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel