畫風細緻！Netflix獨家《想哭的我戴上了貓的面具》　個性直率高中生闖入貓咪世界尋回自我

最近真係好多同貓有關嘅電影同遊戲，繼 PlayStation 早前預告推出嘅《Stray》之後，今次到電影動畫喇！依套動畫《想哭的我戴上了貓的面具》原定會喺戲院上映，可惜因為疫情影響而取消，最後決定改為喺Netflix上架。

Photo from 映画『泣きたい私は猫をかぶる』

依套動畫由榮獲第42屆日本電影學院獎優秀動畫作品獎、幻想曲國際電影節今敏獎（最佳動畫獎）作品《企鵝公路》嘅新銳動畫工作室Studio Colorido製作。

Photo from 映画『泣きたい私は猫をかぶる』

Photo from 映画『泣きたい私は猫をかぶる』

故事講述女主角笹木美代因為唔識睇氣氛，而被同學改咗個別名叫MUGE，意思即係「迷一樣嘅人」。而個性直率嘅美代向同班同學日之出賢人表白後，即使被無視亦毫不退縮。有一天佢意外獲得一個可以變身成為貓咪嘅面具，成為貓咪嘅佢更被賢人誤以為係一隻公貓而收養回家。雖然憑住貓咪嘅身份拉近咗同賢人嘅距離，可最終卻不得不作出艱難嘅決擇……

Photo from 映画『泣きたい私は猫をかぶる』

故事畫風細緻，人間世界同貓咪世界嘅生活描繪更係引人入勝，加上貓咪細緻又靈活嘅動作，睇得出作者真係花盡心思呀！

Photo from 映画『泣きたい私は猫をかぶる』

至於配音方面，女主角就由曾飾演《14歲媽媽》及《風起了》嘅志田未來聲演，而男主角則係聲演多部著同動畫嘅聲優花江夏樹，只係依個男女主角聲演，相信一至Fans都會好期待！

Photo from 映画『泣きたい私は猫をかぶる』

即日起喺 Netflix 就有得睇喇，鍾意睇動畫或者貓咪嘅朋友記得唔好錯過！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）