傳李佳芯再被取代無份拍新劇！重頭劇《兒童醫院》改由張寶兒頂上

視后Ali李佳芯之前一直被「雪藏」，直到由雙視帝鄭嘉穎、馬國明擔正嘅重頭劇《兒童醫院》演員名單有佢，先正式「解凍」，不過近日傳出Ali再被「飛起」，無緣出演新劇，角色將由張寶兒頂替演出。

李佳芯（Ali）出演《BB來了》演技備受肯定，更一舉奪得視后，成大台一線花旦，可惜之後因被內地封殺，一直未有新劇。

被「雪藏」嘅Ali甚至連《BB來了 2》都無份，令fans大感可惜。

Ali「雪藏」多時近日似乎終於「解凍」，網上流出重頭劇《兒童醫院》演員名單，當中有李佳芯，飾演角色為梁思雅，戲中暗戀羅仲謙。

《兒童醫院》有雙視帝鄭嘉穎、馬國明擔正，更請嚟鍾嘉欣、周家怡加盟，卡士超強勁！

而Ali對於是否參演新劇保留表示：「一日未開工都唔敢公布住，我嘅心態係準備好隨時投入工作」

近日有傳聞指Ali再被「飛起」，無緣出演新劇，因為《兒童醫院》大機會會與內地合作，所以決定由其他演員取代Ali出演。

本來有傳馬明女友「靚湯」湯洛雯頂上，兩人認愛後首度合作，但由於檔期原因未能實現，角色將由張寶兒飾演。

張寶兒承認已收到公司通知，喺劇中飾演麻醉科醫生，與羅仲謙角色為情侶關係。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）