清潔龍阿德晒泳裝美女照派福利！網民以為畀黑客入侵吸過萬like！

「政府KOL」清潔龍阿德琴日喺Facebook post出一張泳裝美女照，留言更附上連結：「輕輕咬你耳朵，莎朗嘿喲！快看我的調皮視頻」網民仲以為畀黑客入侵，其實係介紹登革熱、白紋伊蚊網站。

「政府KOL」清潔龍阿德一向緊貼時事，之前有試過cosplay陳偉霆大講英文：「What time is it?」

Photo from 清潔龍阿德

佢琴日又有搞作，喺Facebook post出一張泳裝美女圖，仲留言：「您好?，我叫Aedes albopictus伊伊，我住在一個草地旁邊。 ??要約直接見面嗎？??? 輕輕咬你耳朵，莎朗嘿喲 ?☎快看我的調皮視頻?? ? ???? https://bit.ly/31OrMHl」

Photo from 清潔龍阿德

用字惹人遐想，仲附埋連結，有網民以為個page畀黑客入侵，撳連結會link去色情網站！

其實阿德見夏天嚟到，所以介紹登革熱、白紋伊蚊，希望大家注意做好防蚊措施。

Photo from 清潔龍阿德

「伊伊」實際係指白紋伊蚊、「Aedes albopictus」係白紋伊蚊嘅學名、「住在一個草地」正係白紋伊蚊出沒嘅地方、「輕輕咬你耳朵」亦表達出蚊子咬人嘅特性。

Photo from 清潔龍阿德

大家似乎都嚇一跳，阿德對於無咩人撳入條link覺得有啲失望：「喂喂，得咁少clicks？你哋真係唔洗驚啊！」

為咗宣揚滅蚊資訊，阿德真係去到好盡：「原來有好多人都唔敢禁條link ...... 放心啦，無毒架！大家留意內文，如「Aedes albopictus」正係乜嘢嘅學名？「住在一個草地」正係乜嘢出沒嘅地方？乜嘢會「輕輕咬你耳朵」？咁條 link 會去嘅網頁，大家就唔洗擔心了～」

Photo from 清潔龍阿德

而泳裝美女照都係出於圖片素材網站，所有嘢都係合法㗎！連食物安全中心都有留言宣傳：「伊伊，係影片唔係視頻啊！#放個檸檬係度係咩概念?#講人話唔該?#你媽媽有教你不要亂把東西放入口嗎?#記住食物安全五要點?️」

Photo from 清潔龍阿德

網民知道阿德本意後，大讚佢公關出色！個post一夜吸1.3萬個like！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）