暑假留家做咩好？Apple Camp at Home 計劃 輕鬆提升創造力

今年學生們都可以提早放暑假，但同往年有少少唔一樣，就係學生們喺暑假中因為疫情關係而唔再有咁多活動，唔少暑期夏令營亦因此取消。但廣受大家歡迎嘅 Apple Camp 就決定將今年嘅活動改成網上進行「Apple Camp at Home」，令大家暑假冇得出街，都唔會只係喺打機同 hea。

Apple Camp 自 2012 年開始，至今已邁向第 18 年，今年活動名為「Apple Camp at Home」，佢哋特別安排喺家中進行，令參加者留喺家中都可以輕鬆參與。今年將喺網上進行嘅免費創意活動，參加者可按自己嘅速度在家探索。

Photo from Apple

Apple Camp at Home 將為 8-12 歲孩童提供一個免費、有趣嘅數位化課程，讓孩童喺家中舒適安全地參與體驗，自己動手實行充滿樂趣嘅計畫專案，內容涵蓋程式編寫、影片製作、藝術與設計，藉以發掘參加者嘅創造力，培養佢哋對依方面嘅興趣和創意！

課程將由香港 Apple Store 嘅培訓師親自主持，協助強化和指導參與團員透過活動手冊來學習。透過 Webex 進行，時間為 30 分鐘（說明會）或 60 分鐘（問答時段）。

Photo from Apple

參加者與家人可報名參加 30 分鐘嘅網上內容介紹，理解每個個別專案嘅主題，然後展開活動。喺三星期嘅活動中，跟住下載嘅活動手冊，創作有趣影片、藝術與設計及 編碼專案。而每個星期嘅網上問答時段，參加者可跟住 Apple Creative 嘅指引完成專案。

簡單易懂嘅活動手冊，向參與團員展現以影片、藝術和設計，以及程式編碼進行創作嘅種種新方 法。Apple 仲會提供現場直播嘅虛擬說明會並進行指導，亦另設解答家長和孩子問題嘅問答課程，令佢哋可以喺夏令營體驗中獲得最多知識。

更多詳情可上官網查詢！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）