《動物森友會／動物之森》手機遊戲《口袋露營廣場》推中文版 香港即將上架！

Switch遊戲《動物森友會》大熱，2017年推出嘅手機遊戲《動物森友會口袋露營廣場》（Animal Crossing Pocket Camp）宣布將推繁體中文版，於台灣、香港、澳門三個地區同步上架！

《動物森友會》咁hit，不過無Switch嘅朋友就未必可以享受無人島生活。

其實《動物森友會》2017年推出過手機遊戲《動物森友會口袋露營廣場》（Animal Crossing Pocket Camp），不過當年只有日本同美國地區玩到，如果香港人想玩，就要轉地區申請新Apple ID。（按此：日本Apple ID申請教學）

依家有好消息！官方宣布將於7月29日推出繁體中文版！會喺台灣、香港、澳門三個地區嘅App Store及Google Play同步上架。

玩家喺遊戲中係露營廣場管理員，可以同居民互動、進行各種任務。玩家可以入手超過4,000種道具，製作傢俱佈置露營廣場。

同《集合啦！動物森友會》一樣，可以釣魚、捉蟲、摘水果等活動完成任務。如果無Switch或者未玩過《動物森友會》嘅話，可以試下玩呢個手機遊戲，感受下動森嘅趣味～

延伸閱讀：

【附QR code】Switch《動物森友會》超靚主題服裝 哈利波特/百變小櫻/反斗奇兵

【動物森友會】風水佈置攻略！傢具擺放教學 可提高房間評分！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）