古天樂旗下酒樓宣布休業 指：員工健康比生意更重要

政府早前宣布全港食肆全日禁止堂食，為期一星期。飲食業包括名人開設嘅食肆生意亦大跌。古天樂旗下酒樓於疫情下將休業一星期。佢表示員工健康重要過生意。

疫情下經濟大受打擊，各行各業苦不堪言。喺2月疫情時間，好多公司都出現裁員及迫員工放無薪假情況。

古天樂名下酒家同樣受疫情影響，不過就堅決唔裁員，更畀員工放有薪假！

除此之外，佢又撲到過百萬口罩，除咗派畀年長藝人外，更捐口罩畀弱勢社群，包括殘障及復康人士、低收入家庭、有特殊需要兒童及其家庭、長者。

而身為香港演藝人協會會長，佢又向演藝界人士發放$9,000抗疫基金。

為香港社會貢獻咁多，喺呢個非常時期，古仔面對禁堂食令，旗下酒樓宣布將休業一星期。

佢表示員工安全係最重要，就算搭交通工具都會有感染風險。員工健康比生意重要，所以決定休業。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）