肥媽一家32人全屋有4個雪櫃!全部塞滿唔出門夠食2個月!

肥媽一家32人全屋有4個雪櫃!全部塞滿唔出門夠食2個月!

生活熱話 娛樂新聞
ByJennifer on 29 Jul 2020 Digital Editor

愛煮食嘅肥媽日前喺Youtube公開屋企嘅超大廚房!裡面調味料、香料、食材、廚具一應俱全,佢透露家中有4個雪櫃、2個爐頭,就算唔出街,雪櫃食材夠全家食足2個月。

肥媽不時喺Youtube分享佢嘅煮餸秘技,佢近日更公開埋家中嘅大廚房!

肥媽不時喺Youtube分享佢嘅煮餸秘技,佢近日更公開埋家中嘅大廚房
Photo from 肥媽 Maria Cordero

對煮食有堅持嘅肥媽,廚房當然好重要啦!佢指自己屋企有4個雪櫃、2個爐頭。

肥媽展示擺喺廚房嘅兩個雪櫃,表示:「出面仲有個雪櫃,上面有個大雪箱。」其中佢介紹一個小型雪櫃,專放調味料,肥媽話其實每個家庭都應該設置一個咁嘅雪櫃,唔怕調味料會佔咗主要雪櫃嘅空間。

肥媽展示一個小型雪櫃,專放調味料
Photo from 肥媽 Maria Cordero

肥媽話其實每個家庭都應該設置一個咁嘅雪櫃,唔怕調味料會佔咗主要雪櫃嘅空間。
Photo from 肥媽 Maria Cordero

另一個大雪櫃,一邊擺放牛奶、新鮮蔬菜及布甸等,另一邊就放肉類、蛋糕、雪糕等。

大雪櫃一邊擺放牛奶、新鮮蔬菜及布甸等
Photo from 肥媽 Maria Cordero

大雪櫃另一邊放肉類、蛋糕、雪糕等。
Photo from 肥媽 Maria Cordero

廣告
廣告

除咗雪櫃外,肥媽廚房仲有一個9層高嘅香料櫃,分門別類咁擺放咗印度香料、芝麻、花椒八角、陳皮、片糖等,超整齊。

肥媽廚房仲有一個9層高嘅香料櫃
Photo from 肥媽 Maria Cordero

佢表示如果唔出門口,糧食儲備夠食2個月!肥媽話儲糧係佢嘅習慣,屋企一直放置大量乾糧,包括米、麵、意粉、罐頭等。

表示如果唔出門口,糧食儲備夠食2個月
Photo from 肥媽 Maria Cordero

除咗食材,廚具亦一應俱全
Photo from 肥媽 Maria Cordero

除咗食材,廚具亦一應俱全。肥媽之前出席活動時就指屋企有32位成員,見到個大廚房,相信一家都好有口福。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook