山下智久被罰暫停演藝活動！與未成年女性飲酒 龜梨和也受嚴重警告

日本男星山下智久早前被爆與未成年女性飲酒，更喺酒店共處8小時。佢所屬尊尼事務所今日宣布山P將暫停所有演藝活動，而當天在場嘅龜梨和也亦受到嚴重警告。

山下智久被《週刊文春》爆料，喺疫情期間同未成年少女飲酒，之後更喺酒店單獨共處8個鐘。

事件發生後，尊尼事務所終宣布懲罰，山下智久將暫停所有演藝活動自省。

尊尼事務所聲明中向外界道歉，指花唔少時間確認報導內容嘅真偽，山P同龜梨和也承認當日的確有同對方飲酒。

但強調佢兩個都唔知對方未成年，而對方亦刻意隱瞞實際年齡。不過對於藝人於疫情期間無約束好自己，做出無責任感行為深感抱歉。

山下智久將暫停所有演藝活動，同樣在場龜梨和也亦被嚴重警告。

山下智久與龜梨和也原本將發行嘅「龜與山P」15年首張專輯，睇怕都要押後。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）