
情侶必到聖地!北海道幸福町幸福車站~完成一個小動作就可以幸福滿滿!
熱戀中既情侶往往都又纏綿又甜蜜蜜~所以好多標榜「去完可以一生一世」既地方,永遠都可以吸引到好多人去。冇辨法啦,戀愛中的人是盲目又幸福的~如果幸福既大家想更加幸福,就一定要去日本北海道幸福町既幸福車站。淨係睇個名都知去完會幸福滿滿啦~
雖然幸福車站已經被廢站好耐,但係都仍然吸引到好多情侶慕名而來。大家甚至會係車票寫自己個名,然後貼係車站到,據稱做完就可以得到幸福㗎喇!
幸福車站係運作時期使用既月台、候車亭、車廂都依然保存得好好,所以大家可以順便去參觀一下,或者行入車廂、感受下昭和時代既乘車體驗~
廣告
廣告
車站附近仲有一個「幸福鐘」,情侶一定要記得去敲下鐘、祈求幸福啊~不過單身人士都要敲!邊個話單身就唔可以幸福!可能敲完就會有蜜運來臨呢~
每年既4月至9月,幸福車站會開放比大家申請婚禮體驗,真係超級浪漫!不論已婚、未婚都可以一試㗎~
冬天既幸福車站加上一片白茫茫既景象,更加有一種特別既美感~大家快啲去爭取幸福啦!
交通資訊
JR帶廣站前巴士站,乘搭十勝巴士「広尾線」,係「幸福站」落車,然後步行5分鐘就會到達。全程大約長45分鐘至50分鍾。
?✨(@xixi_26)張貼的相片 於 張貼
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編~謝謝~)