【香港小姐2020】林作同女友裕美同場撞舊愛麥明詩：裕美真心靚過麥明詩好多

《2020香港小姐競選》得獎者已出爐，當日已轉行嘅麥明詩都有重返TVB，同場仲有舊愛林作同佢女友裕美。新歡舊愛兩人同場成為焦點。林作於Facebook公開指女朋友裕美嘅樣貌、身材都比前度麥明詩更優勝。

《香港小姐競選2020》8號謝嘉怡奪雙料冠軍、2號陳楨怡獲亞軍、4號郭柏妍奪季軍。台上佳麗爭妍鬥麗，其實台下都非常精彩。

轉咗行嘅港姐冠軍麥明詩難得重返TVB，佢表示港姐改變咗佢一生，所以想返嚟出一分力。

Photo from 麥明詩IG

麥明詩當日著上低胸黑色禮服裙，狀態大勇，性感又迷人。

Photo from 麥明詩IG

同場更有舊愛林作同林作女友裕美，新歡舊愛同場成為焦點，不過麥明詩就唔想多提對方。

Photo from 林作Facebook

雖然無直接對上，但林作回家後就喺Facebook公開讚現女友裕美：「裕美真心靚過麥明詩好多，身材也更優勝。素顏顏值也絕對一流。絕非平平無奇，可謂波濤洶湧。今晚乃來當觀眾而已，難道要著到黎選美咁嗎？」

Photo from 林作Facebook

而裕美亦反擊指佢「平平無奇」嘅言論：「其實好多人問我點解咁多新聞要寫得我寫得咁差，係咪因為我得罪好多人？係咪得罪好多傳媒朋友，我本人從來沒有得罪任何傳媒朋友，識我嘅朋友就知道，你對我好我必定會對你好千百萬倍當你真心朋友，對我唔好嘅我只會遠離佢，並不會作出任何聲音，但我從來唔會刻意討好人，我發現，有時你太好人，或者你沒有還擊，對家就會變本加厲。呢個係我咁多年嘅經驗。或者人哋覺得我身份卑微，就可以不斷踩我。但我可以話比你哋知，身份卑微唔代表冇能力。」

Photo from 裕美Facebook

林作為護花不惜踩低前度令網友不齒，指摘佢呢個行為「無品」，又大讚「麥明詩靚好多，都唔同級數同質素」

Photo from 裕美Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）