叉一次電可用8個鐘!LG全新空氣淨化面罩 高效濾網達至好似冇戴一樣

叉一次電可用8個鐘!LG全新空氣淨化面罩 高效濾網達至好似冇戴一樣

生活熱話 健康資訊 生活教學
ByCelia on 03 Sep 2020 Digital Editor

近依一年以嚟,大家都習慣咗出門戴口罩,不過唔知大家有冇發現唔少人除咗戴口罩之外,頸上面仲會掛咗一個空氣淨化機。雖然曾經聽過唔少人話冇用,但喺依個人人自危嘅環境吓唔少人都會抱住做咗樂過唔做嘅心態,當買多一層保障。而最近韓國品牌 LG 就推率先公布咗一款「空氣淨化面罩」。

依款空氣淨化面罩 - PuriCare Wearable Air Purifier,設有可根據「呼吸感應器」數據調節三檔速度嘅風扇,而口罩兩側更配備咗濾網可高效過濾髒空氣。

LG
Photo from LG

據 LG 表示,面罩內裝有一顆 820mAh 嘅可充電式電池,充一次電最多可以使用 8 個鐘,啱晒需要長時間配戴嘅人士使用。加上 LG 喺材質選擇咗可回收材質製作,畀用家可隨時更換組件,做到就算戴住口罩都可以真正「完全沒有負擔」地呼吸嘅效果。

LG
Photo from LG

廣告
廣告

另外,喺大家唔用個口罩時,大家就可以使用購買時隨口罩附上嘅紫外光消毒充電外盒為口罩消毒,而且用家仲可以將口掉罩連接手機 app ,咁喺濾網需要更換時,app 就會喺手機中自動彈出更換通知提醒大家,令大家用時更安心!

LG
Photo from LG

嚟緊喺 10 月 22 日就正式喺香港有得買,建議售價為 $1,180 ,想試新嘢嘅大家記得留意喇!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook