港澳全線分店有售~IKEA 首推四款冰皮月餅 必試清爽香甜接骨木花及忌廉芝士紅果子!

港澳全線分店有售~IKEA 首推四款冰皮月餅 必試清爽香甜接骨木花及忌廉芝士紅果子!

美食推介
ByCelia on 07 Sep 2020 Digital Editor

仲有半個幾月就到中秋節,唔少人屋企最近都開始出現一款應節食品 - 月餅,唔知大家又會鍾意食傳統月餅定冰皮月餅多啲呢?而著名家具品牌 IKEA 近日就大玩 fusion 首次推出四款不同口味嘅冰皮月餅,為月餅注入瑞典「小清新」嘅風格。

今次 IKEA 將會推出 4 款口味嘅冰皮月餅,包括紅果子月餅、接骨木花月餅、芒果月餅以及朱古力月餅,口感輕巧,獨特滋味為你帶嚟獨一無二嘅滋味驚喜。

今次 IKEA 將會推出 4 款口味嘅冰皮月餅
Photo from IKEA

瑞典獨有口味:
「紅果子月餅」以瑞典夏季特產嘅酸甜水果紅果子配上濃郁軟綿嘅忌廉芝士,令人百吃不厭,而「接骨木花月餅」同樣以瑞典獨有口味嘅接骨木花柑橘醬造成,清爽香甜,令人有一種回味涼夏嘅感覺。

瑞典獨有口味
Photo from IKEA

傳統口味:
當然 IKEA 都知道獨特口味唔係人人都接受到,所以同時亦有推出兩款基本口味。「芒果月餅」以果味濃郁甜厚多汁見稱嘅果王阿芳素芒果製成,每一口都齒頰留香,另一款「朱古力月餅」則以香滑濃厚嘅朱古力為基調,加入椰香令口感更滑而唔會過於甜膩。

依 4 款新月餅即日起已經喺香港全線分店有售,一盒有齊4款口味,售價為 $49 港元,而澳門分店就會喺 9 月 9 日開始發售。

一盒有齊4款口味,售價為 $49 港元
Photo from IKEA

除此之外,一眾豆腐花迷必食嘅人氣新地筒 - 「清新豆腐花味新地筒」亦會同步回歸,售價為 $5 港元。

「清新豆腐花味新地筒」亦會同步回歸,售價為 $5 港元
Photo from IKEA

廣告
廣告

美食站同時仲會推出「芝」味小食,以薯格配芝士醬,再加上酸忌廉及煙肉味脆粒,售價為 $13 港元,畀你喺夏末之際享受清新好滋味。

薯格配芝士醬,酸忌廉及煙肉味脆粒
Photo from IKEA

另外,IKEA亦特意由即日起至 9 月 30 日推出多款特選健康食物,以不同口味送夏迎秋,包括素菜丸伴藜麥、四季豆及番茄燴雜菜 (售價 $23 港元)、 香烤三文魚柳伴蔬菜薯餅、西蘭花配荷蘭汁 (售價 $49 港元)以及 香草雞胸凱撒沙律(售價 $36 港元)。

素菜丸伴藜麥、四季豆及番茄燴雜菜
Photo from IKEA

香草雞胸凱撒沙律
Photo from IKEA

香烤三文魚柳伴蔬菜薯餅、西蘭花配荷蘭汁
Photo from IKEA

有興趣嘅大家記得試吓喇!

IKEA分店:
銅鑼灣分店
地址:銅鑼灣柏寧酒店地庫
九龍灣分店
地址:九龍灣MegaBox L4
沙田分店
地址:沙田HomeSquare L6
荃灣分店
地址:荃灣青山公路 388 號 8咪半 3 樓
澳門分店
地址:澳門氹仔廣東大馬路星皓廣埸1樓及2樓

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook