韓綜《我們離婚了》將推出！網民表示想睇雙宋、安宰賢具惠善出演

韓國綜藝節目花樣多多，以前有《我們結婚了》，依家竟然有埋《我們離婚了》！節目將會邀請已經離婚嘅夫婦拍攝實境真人 show，目前已經邀請咗一對。消息一出，網民表示想睇雙宋、安宰賢同具惠善～

韓國朝鮮電視台將推出全新綜藝節目《我們離婚了》，係一個實境真人 show，節目會邀請已經離婚嘅夫婦再次展開同居生活，希望彼此可以重新思考離婚前未曾了解過嘅夫妻生活，重新反省離婚原因。

目前節目已經邀請咗演員李瑩河及鮮于銀淑，佢哋兩個喺 1981 年結婚，2007 年離婚，但離婚後依然保持住朋友關係，早前仲一齊出演另一個綜藝節目《出氣秀蘿蔔泡菜》。鮮于銀淑曾經喺訪問中提及離婚當時對對方充滿怨恨，不過隨住時間流逝已經慢慢釋懷，依家就好似朋友咁。

Photo from Pinterest

Photo from 《속풀이쇼 동치미》

Photo from 《속풀이쇼 동치미》

消息一出，網民表示如果有雙宋、安宰賢同具惠善呢兩對嘅話，節目一定會 hit 爆！

宋仲基同宋慧喬因拍攝韓劇《太陽的後裔》而結緣，戲假情真，喺 2017 年結婚，可惜兩人喺 2019 年離婚，結束短短唔夠兩年嘅婚姻。兩人對離婚嘅原因都冇多作解釋，宋慧喬只係聲稱「性格不合」，離婚消息一出，令粉絲非常惋惜。

Photo from blossom_entertainment@ig

Photo from kyo1122@ig

Photo from Pinterest

另一對網民期待出演嘅就係安宰賢同具惠善。安宰賢同具惠善同樣都係因戲結緣，拍攝韓劇《Blood》後相戀，2016 年結婚，仲一齊出演綜藝節目《新婚日記》，瘋狂放閃。可惜後來具惠善爆安宰賢出軌，安宰賢亦還擊具惠善係咁要錢，兩人可以話係徹底撕破臉，最終喺今年正式離婚。

Photo from ahnjaehyun00@ig

Photo from kookoo900@ig

Photo from Pinterest

節目未播出已經引起網民熱論，如果真係請到雙宋、安宰賢同具惠善出演嘅話，相信會係綜藝界一大奇蹟！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）