裕美送鑽石鏈畀林作家外傭做生日禮物!網民嘲做戲:點解送嘢畀人要拍片嘅?

裕美送鑽石鏈畀林作家外傭做生日禮物!網民嘲做戲:點解送嘢畀人要拍片嘅?

生活熱話 娛樂新聞
ByJennifer on 30 Sep 2020 Digital Editor

林作同裕美拍拖以嚟風波不斷,先有林作護花踩舊愛麥明詩,後又有林作媽媽不滿裕美。日前林作公開片段,女友裕美送真鑽石兼18k金頸鏈畀林家工人做禮物,被網民指「做show」:「唔明點解送嘢畀人要拍片嘅?」

林作同裕美兩人負面新聞多多,之前一齊出席港姐決賽時同場仲有林作舊愛麥明詩,林作為護花指女朋友裕美嘅樣貌、身材都比前度麥明詩更優勝,被狠批無品。

林作為護花指女朋友裕美嘅樣貌、身材都比前度麥明詩更優勝,被狠批無品。
Photo from 麥明詩IG

之後林作與母親接受訪問時透露媽媽唔係好滿意女友裕美,林作母親更暗示想阿仔同麥明詩復合。

林作與母親接受訪問時透露媽媽唔係好滿意女友裕美,林作母親更暗示想阿仔同麥明詩復合。
Photo from 林作Facebook

風波不斷,不過麥明詩懶理,由始至終都無回應過有關事件。

雖然兩人戀情不受家長認同,但林作喺社交網站公開一段片,片中女友裕美知道林作屋企外傭Mary生日,送咗條鏈畀對方。

林作喺社交網站公開一段片,片中女友裕美知道林作屋企外傭Mary生日,送咗條鏈畀對方。
Photo from 林作Facebook

林作指:「我工人生日,佢送條真鑽石加18k金頸鏈俾佢。有錢就係任性。而我,由於整車財政問題,咩都俾唔到我工人。我媽媽則因孤寒問題同樣沒有表示。」

廣告
廣告

片段中裕美同林作都有講到明條鏈係真:「real diamond real gold」

片段中裕美同林作都有強調條鏈係真:「real diamond real gold」
Photo from 林作Facebook

而Mary亦表現開心,舉晒大拇指。

Mary亦表現開心,舉晒大拇指。
Photo from 林作Facebook

不過就被網民嘲「做show」:「唔明點解送嘢畀人要拍片嘅????」、「轉頭收返條頸鏈」、「工人又被利用」、「送條鏈比工人有咩特別 送層樓先值得拍片😂」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook