日本為配合舉行東京奧運　政府計劃明年春季開放旅遊入境

原定於今年舉行嘅東京奧運就因為疫情關係而被迫延期，目前日本就禁止咗 159 個國家及地區旅客入境，只有部分商務人士可獲豁免。但近日就有日本傳媒報導，日本政府正計劃喺明年（2021年）重新「有條件」開放旅客入境，條件包括要求旅客下載健康管理App等一系列防疫措施。

據報導指，日本首相菅義偉此為上任後，第一件必須做嘅事就係重啟經濟活動，當中就包括咗有限度開放觀光入境。同時，亦為延期至明年 7 月嘅東京奧運作準備。

Photo from Presslogic

目前，日本政府有關讓符合規定嘅入境旅客，毋須自我隔離 14 日，但必須於出發地進行病毒檢測，並喺入境時出示陰性證明，及購買旅遊保險。

Photo from Presslogic

此外，旅客亦須預先 download 健康申報手機 app，喺入境日本後嘅 14 日內，每日透過此 app 申報健康即可口喺當地大旅遊及去各個東奧場地觀賽。

Photo from Presslogic

有指依個計劃會喺明年 1 月正式提出，最快可望喺明年春季時試行，大家「回鄉」嘅希望又進一步喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）