download HolidaySmart 假期日常 app
盤點 5 大漫畫改編演員神還原角色 網民票選最想佢演《鬼滅之刃》「禰豆子」?

盤點 5 大漫畫改編演員神還原角色 網民票選最想佢演《鬼滅之刃》「禰豆子」?

電視電影
By Ella on 09 Oct 2020
Digital Content Writer

《鬼滅之刃》最近紅爆日本,嚟緊仲有真人版舞台劇,早前日本仲有一個調查畀民眾票選邊個日本演員最適合演《鬼滅之刃》真人版。其實歷年來都有好多漫畫改編成影視作品,有好多角色還原度都非常高,今次就為大家盤點 5 大漫畫改編高還原度角色。

廣告
廣告

早前日本有一個調查畀民眾票選最想邊個嚟演《鬼滅之刃》真人版,結果「炭治郎」由神木隆之介奪得第一,而「禰豆子」就由橋本環奈奪冠!

神木隆之介有書卷氣,而且有一種古典味,的確幾適合演「炭治郎」。

「炭治郎」Photo from 《鬼滅之刃》

神木隆之介有書卷氣,而且有一種古典味,的確幾適合演「炭治郎」。Photo from kamiki_official@Twitter

橋本環奈出演過多套漫畫改編嘅影視作品,非常有經驗。又靚又有實力,相信一定還原到「禰豆子」嘅可愛同喜感。

「禰豆子」Photo from 《鬼滅之刃》

橋本環奈又靚又有實力,相信一定還原到「禰豆子」嘅可愛同喜感。Photo from kannahashimoto.mg@IG

廣告
廣告

神木隆之介同橋本環奈係由民眾票選,如果真係出演,還原度一定有番咁上下。其實有好多漫畫改編嘅真人角色還原度都好高,以下呢幾位真係會覺得漫畫根本就係畫緊佢哋,最後一個根本就係角色本人!

《浪客劍心》「緋村劍心」-- 佐藤健
《浪客劍心》講述名劍客「拔刀齋」(佐藤健 飾)稱霸暗殺界,後來立下不殺誓言,流浪各地。之後有人冒充「拔刀齋」隨意殺人,神谷活心流道場繼承人「神谷薰」(武井咲 飾)魯莽挑戰假「拔刀齋」後身陷險境,真「拔刀齋」自稱「緋村劍心」救咗「神谷薰」,後尾仲同「齋藤一」(江口洋介 飾)、「相樂左之助」(青木崇高 飾)聯手打敗壞人。

「緋村劍心」Photo from 《浪客劍心》

佐藤健飾演嘅「緋村劍心」造型基本上還原原著,唔止服裝,就連左邊臉上嘅十字傷疤都一模一樣。而且佐藤健喺打鬥場面上都親身上陣,冇用替身,非常用心演繹!

佐藤健飾演嘅「緋村劍心」造型基本上還原原著,唔止服裝,就連左邊臉上嘅十字傷疤都一模一樣。Photo from 《浪客劍心》

《極道鮮師》「山口久美子」-- 仲間由紀惠
《極道鮮師》講述身為黑幫大小姐嘅「山口久美子」(仲間由紀惠 飾)竟然走咗去做老師,佢嘅重情重義仲改變咗一班無心向學嘅不良少年。

「山口久美子」Photo from 《極道鮮師》

《極道鮮師》真人版比原著人氣更高,成為經典日劇。女主角仲間由紀惠喺造型上都係高度還原原著角色,孖辮、紅色運動服,圓框眼鏡,真係同原著冇分別!

廣告
廣告

女主角仲間由紀惠喺造型上都係高度還原原著角色,孖辮、紅色運動服,圓框眼鏡,真係同原著冇分別!Photo from 《極道鮮師》

《羅馬浴場》「路西斯·慕德斯特」-- 阿部寬
《羅馬浴場》講述古羅馬時代嘅澡堂建築師「路西斯」(阿部寬 飾)因一次意外穿越到現代日本澡堂嘅故事。現代澡堂發展超乎佢嘅想像,佢更將呢啲設計帶返古羅馬時代。

「路西斯·慕德斯特」Photo from 《羅馬浴場》

阿部寬濃顏嘅長相扮起歐洲人上嚟真係毫無違和感,佢臉龐稜角分明、濃眉、雙眼深邃,除咗髮色唔同之外,真係搵唔到其他瑕疵。

阿部寬濃顏嘅長相扮起歐洲人上嚟真係毫無違和感。Photo from 《羅馬浴場》

《銀魂》「神樂」-- 橋本環奈
《銀魂》劇情主要改編自原著嘅<紅櫻篇>,講述「坂田銀時」(小栗旬 飾)、「志村新八」(菅田將暉 飾)及「神樂」(橋本環奈 飾)追尋神秘妖刀「紅櫻」,卻捲入一場陰謀中。

「神樂」Photo from 《銀魂》

橋本環奈飾演嘅「神樂」除咗服裝還原度高之外,橋本環奈仲完全演繹咗粗魯美少女「神樂」,佢拋開包袱,喺戲入面翻白眼、撩鼻屎,完全不顧形象,非常敬業!

橋本環奈完全演繹咗粗魯美少女「神樂」。Photo from 《銀魂》

《死亡筆記》「L」-- 松山研一
《死亡筆記》講述高中生「夜神月」(藤原龍也 飾)執到一本「死亡筆記」,筆記聲稱只要諗住某人嘅樣,並將佢嘅姓名寫喺筆記上,嗰個人就會死亡。「夜神月」見識到「死亡筆記」嘅威力後開始利用「死亡筆記」去殺死世界上嘅罪犯。

「L」Photo from 《死亡筆記》

松山研一飾演嘅「L」⋯⋯唔係,佢根本就係「L」!無論係髮型、化妝,定係動作,根本同原著嘅「L」一模一樣!實在搵唔到分別喺邊!

松山研一根本就係「L」!Photo from 《死亡筆記》

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel