【西貢香港地質公園】必到萬宜水庫東壩、橋咀洲睇六角柱 交通一覽

【西貢香港地質公園】必到萬宜水庫東壩、橋咀洲睇六角柱 交通一覽

香港好去處 郊遊好去處
By Celia on 12 Oct 2020
Digital Editor

依一年大家都不斷回憶可以出外旅遊嘅日子,但其實喺香港都有唔少可以睇靚景同打卡嘅好地方㗎,有啲仲係由香港聯合國教科文組織認證嘅世界地質公園嚟添!趁住週末唔錯嘅好天氣,就去郊區行吓呼吸吓新鮮空氣喇~

而香港嘅世界地質公園包括新界東北沉積岩和西貢東部火山岩兩大園區等合共8大景區,佔地5,000公頃。比較多人認識嘅一定係位於西貢東部嘅火山岩園區。

香港嘅世界地質公園包括新界東北沉積岩和西貢東部火山岩兩大園區等合共8大景區Photo from geopark.gov.hk

西貢火山岩園區中嘅六角形岩柱群及海岸侵蝕地貌吸引咗唔少人專程到去一覽依個大自然奇景。依個六角形岩柱群係現時所知世界上面積和體積最大,岩柱體積直徑平均達 1.2 米,年齡為 1.4 億年前,即晚白堊紀嘅凝灰岩。岩柱群由萬宜水庫東壩延伸至果洲群島,面積達 150 平方公里。岩柱群大部份位於海底,暴露於海岸上則約有 20 萬條。

岩柱群由萬宜水庫東壩延伸至果洲群島,面積達 150 平方公里。Photo from geopark.gov.hk

而西貢火山岩園區則分為四個景區:

糧船灣
糧船灣景區位於西貢東郊野公園,距離西貢市中心約20公里,曾多次被遊人評選為「香港十景」之首。

糧船灣沿岸一帶佈滿排列整齊嘅六角形火山岩柱,其中以花山沿岸嘅火山岩柱最高,高達100米,堪稱「天然六角形岩柱壁畫」。

此外,萬宜水庫東壩亦設有萬宜地質步道及解說牌,介紹多種有趣嘅地貌景觀,包括斷層、扭曲嘅岩柱、侵入岩脈及破邊洲海蝕柱等。

如何前往:
巴士:乘坐西貢市中心開出的94號巴士或鑽石山港鐵站的96R巴士(僅在週末及公共假期行駛),經過北潭涌後下車。沿大網仔路前行至岔路口,靠右沿西貢萬宜路繼續步行約9公里;

的士:可於西貢市中心或北潭涌乘坐計程車前往,即可到達位於萬宜水庫東壩的地質步道;或

專線小巴:可於北潭涌乘坐於假日行駛新界專線小巴9A號線往返北潭涌與萬宜水庫東壩之間。
服務時間: 下午3:00 - 下午6:00 (逢星期日及公眾假期服務)
班次: 約隔 20-25 分鐘一班
收費: $11.3

參加本地導賞團:可於火山探知館報名參加東壩半日遊,設「來回程」服務,詳情可向火山探知館查詢(電話:2394-1538)

橋咀洲
橋咀洲位於西貢市中心東南面約2公里,大家可從西貢碼頭乘坐街渡前往,船程約十五分鐘。橋咀洲擁有多種火成岩,包括火山角礫岩、流紋岩、凝灰岩和石英二長岩,是欣賞和學習火成岩的好地方。

廣告
廣告

而連接橋咀洲與橋頭嘅一條由礫石構成嘅連島沙洲,每當退潮時,就會露出水面,大家可沿著連島沙洲步行前往橋頭,一覽清水灣半島與西貢牛尾海嘅靚景。而喺漲潮時,連島沙洲就會被海水浸沒,所以想行吓沙洲嘅大家記得 check 定潮汐時間表喇!

如何前往:
街渡前往橋咀洲:從西貢碼頭乘街渡前往橋咀洲,展開橋咀洲地質步道行程。

參加本地導賞團:可於火山探知館報名參加橋咀洲與滘西村的導賞團,包括「來回程」服務,詳情可向火山探知館查詢(電話:2394-1538)

甕缸群島
甕缸群島景區由橫洲、火石洲、沙塘口山及吊鐘洲嘅金鐘岩組成。島嶼由具柱狀節理嘅火山岩構成。由於海岸長期受到猛烈嘅風浪衝擊,因此形成獨特嘅外觀,沿岸遍佈懸崖峭壁及海蝕穴、海蝕拱。

沙塘口山東南沿岸嘅陡崖係全港最高海崖,高達 140 米。而火石洲高 45 米嘅杬挽角洞、橫洲高 30 米嘅橫洲角洞、沙塘口山高 24 米嘅沙塘口洞以及吊鐘洲嘅吊鐘拱門,合稱為香港四大海蝕拱。

如何前往:
可參加地質導賞團或自行租船前往。

Photo from geopark.gov.hk

果洲群島
果洲群島位於外海由南果洲、北果洲、東果洲,以及多個小島和石排組成,長期受到風浪侵蝕,形成各種奇特嘅海岸地貌,當中包括斷崖、海蝕拱及各種奇形怪石。其中以北果洲嘅六角形岩柱最為壯觀,同時北果洲直徑達 2 米以上嘅六角形岩柱亦係園區內最大嘅。

如何前往:
可考慮參加地質導賞團或自行租船前往。

不過由於甕缸群島及果洲群島均位於核心保護區內,加上風浪較大及地勢險要,因此只適合喺風平浪靜嘅前往夏季,以及乘船近岸遊覽,不適宜登島喔~

最後必須要提提大家,去欣賞咁靚嘅大自然景觀之餘都要好好保護環境,唔好留下垃圾呀!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel