韓劇《九尾狐傳》被指抄襲大陸劇《結愛》/《三生三世枕上書》 李棟旭造型似足迪麗熱巴?

韓劇《九尾狐傳》被指抄襲大陸劇《結愛》/《三生三世枕上書》 李棟旭造型似足迪麗熱巴?

電視電影 娛樂新聞
ByElla on 16 Oct 2020 Digital Content Writer

最近熱播嘅韓劇《九尾狐傳》由李棟旭金汎及趙寶兒主演,反應相當唔錯。但係近日竟然傳出「抄襲」嫌疑?仲話李棟旭嘅古裝造型似足迪麗熱巴?

《九尾狐傳》講述九尾狐「李硯」(李棟旭 飾)同電視節目 PD「南智雅」(趙寶兒 飾)之間嘅故事。而近日有大陸網民指出《九尾狐傳》喺男女主角人物設定、情節上都同內地劇集《結愛·千歲大人的初戀》非常相似。

《九尾狐傳》
Photo from tvN

《結愛·千歲大人的初戀》由宋茜、黃景瑜主演。
Photo from 《結愛·千歲大人的初戀》@微博

大陸網民指《九尾狐傳》抄襲。
Photo from 豆瓣

首先喺男女主角嘅角色設定上,男主角都係正派九尾狐,可以抹去人類嘅記憶;女主角同樣都係媒體工作者。

九尾狐「李硯」(李棟旭 飾)。
Photo from tvN

電視節目 PD「南智雅」(趙寶兒 飾)。
Photo from tvN

情節上,男主角一樣都係等緊心愛嘅女主角輪迴,再續前緣;兩部劇同樣有反派九尾狐;《結愛》有「媚珠」,《九尾狐傳》就有「狐狸珠」;「狐狸食人肝」、「狐狸嫁娶日會落雨」呢兩種講法喺兩部劇入面都有出現。

廣告
廣告

男主角一樣都係等緊心愛嘅女主角輪迴,再續前緣。
Photo from 《九尾狐傳》

Photo from 《結愛·千歲大人的初戀》@微博

金汎飾演反派九尾狐,係「李硯」嘅混血弟弟「李朗」。
Photo from tvN

另外,李棟旭古裝造型就被指同《三生三世枕上書》中迪麗熱巴嘅造型一模一樣,同樣都係白色底,紅色薄紗,而兩人嘅角色都係九尾狐。

李棟旭古裝造型被指同《三生三世枕上書》中迪麗熱巴嘅造型一模一樣。
Photo from 《九尾狐傳》

迪麗熱巴
Photo from 電視劇三生三世枕上書@微博

雖然有大陸網民認為《九尾狐傳》係抄襲,不過亦都有網民持相反意見,認為「不知道抄襲不抄襲的,但是,我感覺九尾狐傳好看一點」、「講實話並不像」等。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook