王祖藍餅印女身高遺傳媽媽李亞男！2歲已到爸爸一半高！父女表情一模一樣

王祖藍同李亞男嘅囡囡王天韻（Gabby）就嚟兩歲，近日有人拍到佢哋一家三口出門嘅片段，Gabby身高遺傳媽媽李亞男，已有爸爸一半，王祖藍喺微博post出父女合照指女兒：「長得像我！」

王祖藍同李亞男結婚後去咗內地發展，一直有上唔同嘅綜藝節目，其中包括夫妻綜藝，李亞男亦懷上二胎。

Photo from 王祖藍微博

女兒王天韻（Gabby）今年兩歲，雖然爸爸王祖藍喺女兒出世之前一直表示希望個女似媽媽，不過睇相囡囡細個嘅相都非常精靈可愛。

Photo from 王祖藍微博

近日佢哋一家三口出門被拍到，李亞男挺住孕肚，但四肢仍然纖細。

Photo from 王祖藍微博

Gabby同爸爸手拖手一齊行，未夠2歲嘅Gabby身高遺傳咗媽媽李亞男，直逼到爸爸王祖藍腰間！「王祖藍女兒2歲身高」更登上微博熱搜榜。

Photo from 李亞男微博

王祖藍隨即喺微博post出同女兒合照，相中兩父女擺出一樣pose，連表情都相當一致，Gabby同爸爸簡直係餅印！

Photo from 王祖藍微博

王祖藍留言指：「#王祖藍女兒2歲身高#身高隨我老婆怎麼了！長得像我！」

Photo from 王祖藍微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）