【大閘蟹季節2020】香港8大蟹種類!三點蟹/花蟹/膏蟹/紅蟹/肉蟹/黃油蟹當造期一覽

【大閘蟹季節2020】香港8大蟹種類!三點蟹/花蟹/膏蟹/紅蟹/肉蟹/黃油蟹當造期一覽

美食推介
ByCelia on 20 Oct 2020 Digital Editor

秋風起,除咗行山、郊遊之外,最好就梗係食蟹喇!但除咗時令嘅大閘蟹之外,喺香港買到嘅蟹種仲有依啲可以選擇,有啲仲一年四季都在得食添!

今次就綜合咗 8 種喺香港最常見嘅蟹類介紹畀大家。

Photo from HolidaySmart

蟹種 月份
三點蟹 11 月至 12 月
花蟹 10 月至 3  月
紅蟹 2 月至 3 月
肉蟹 3 至 4 月、 7 至 9 月
膏蟹 6 至 7 月
黃油蟹 6 月至 8 月
長腳蟹  9月至2月
大閘蟹 農曆 9月至 10 月

1. 三點蟹

三點蟹屬鹹水蟹,肉質比較鮮味。其特徵就係蟹殼上嘅三個圓點。一般喺中國、日本、夏威夷等地都有出產。香港雖然全年都食到,但最為肥美嘅食用時間為 11 月及 12 月。

三點蟹屬鹹水蟹,肉質比較鮮味。
Photo from Printerest

2. 花蟹

花蟹可分為紅花蟹及藍花蟹,肉質較軟,蟹味淡。一般分佈喺印度洋及西太平洋一帶。而香港嘅花蟹大部分係嚟自中國沿岸,每年 10 月至翌年 3  月最好食。

花蟹可分為紅花蟹及藍花蟹,肉質較軟,蟹味淡。
Photo from Printerest

3. 紅蟹

紅蟹肉質厚實,蟹味鮮甜。主要生產地喺中國、香港、台灣、日本等,全年供應,當中以 2 月至 3 月嘅最好。

紅蟹肉質厚實,蟹味鮮甜。
Photo from Printerest

4. 肉蟹

肉蟹屬半鹹淡水蟹,係雄性青蟹,肉質比較爽滑。主要分佈喺熱帶及亞熱帶嘅鹹淡水海域。每年嘅 3 至 4 月及 7 至 9 月最當造。

廣告
廣告

肉蟹屬半鹹淡水蟹,係雄性青蟹,肉質比較爽滑。
Photo from HolidaySmart

5. 膏蟹

膏蟹同肉蟹一樣都係半鹹淡水蟹,不過膏蟹就係雌蟹嚟。膏質稠密,喺光線透視下可以睇到蟹膏充滿殼嘅兩邊。雖然肉蟹同膏蟹一樣係青蟹,但佢哋就當造期就好唔到,膏蟹喺每年夏季 6 至 7 月係產卵期,會比較肥美,所以唔太適合秋冬食。

6. 黃油蟹

黃油蟹其實都係膏蟹嚟,成因全因為夏季海水水溫升高,令蟹膏分解成橙黃色嘅油質並滲透蟹身。而黃油蟹亦分為三類,海黃油、基圍油以及塘油蟹,當中以海黃油嘅油質同肉質最佳。最適合就係喺每年 6 月至 8 月期間品嘗。

Printerest
Photo from Printerest

7大閘

農曆 9 同 10 月依兩個月最靚嘅季節限定大閘蟹,俗語有云「九月圓臍十月尖,持螯飲酒菊花天」就係講緊大閘蟹。高品質的大閘蟹,黃和膏吃起來甜且會回甘。雌蟹只有蟹黃(卵子),呈橙紅色,俗稱紅膏,食起嚟仲會有啲好似蛋黃嘅味道添;而雄蟹就只有蟹膏(精子),煮熟後會呈乳白色半透明果凍狀,俗稱白膏。


8. 亞拉斯加長腳蟹

每年9至翌年2月是食亞拉斯加長腳蟹的好時機,其肉質非常鮮美,主要來自北美太平洋北部等寒冷海域、白令海及日本海的深海。購買時,把蟹捧起來,有「墜手感」,表示新鮮。另外也可嘗試聞味道新鮮的蟹,會有海鮮味,不新鮮的則有阿摩尼亞味。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook