楊明保釋期間再被揭違例泊車？網友鬧爆：死性不改！

楊明早前涉嫌酒後駕駛，失事撞毀位砌石牆，其後被正式起訴，期間楊明保釋外出。喺保釋期間，有網友指楊明喺觀塘大業街將座駕泊到電單車停泊處，涉嫌違例泊車，再度被網友鬧爆！

。事後TVB訪問當事人，佢表示當日太攰，撞車一刻「斷片」。

楊明被正式起訴，期間獲准以$5,000保釋外出。點知保釋期間又再出事！

Facebook一個名為「香港鐵騎館（吹水區）」嘅群組中，有網友上傳咗一張相，並指：「違泊骨位前頂住出車，明明跟你車頭寫住9xxxxxxx打畀你，都要等5分鐘先返，最谷氣係....楊明。」

「骨位」即係電單車停泊處，而疑似楊明嘅座駕，咁啱停喺電單車停泊處前面，令電單車無法駛出，涉嫌違例泊車。而且楊明仲要過5分鐘先到。

個post一出，即刻有網友鬧爆楊明「死性不改」，有網民就認為楊明收到電話喺5分鐘內到場唔算過份，但開post網友就話︰「違泊唔代表一定阻人；阻到人，點講都理虧，唔關過唔過份問題」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）