【秋冬養生茶食譜】手腳冰冷必備！5 款方便易整茶療：驅寒保暖、預防感冒

秋冬天氣轉涼好易病，係時候要補吓，今次推介 5 款秋冬養生茶食譜，全部都方便易整，整完入落保溫壺帶返公司飲都唔錯～

桂圓紅棗茶
桂圓可以補心血、養心神，紅棗補中益氣，桂圓紅棗茶可以改善失眠、體虛問題，而且仲潤膚美容，秋天天氣乾燥，最適合女士們飲啦～不過要切記，桂圓糖分偏高，容易上火，所以不宜多食。

做法：
取適量桂圓、紅棗，凍水煮滾 10 分鐘即可。

Photo from Pinterest

黑糖薑茶
生薑驅寒，最適合冬天食用，不過生薑入口辛辣，加黑糖中和就最適合啦。黑糖薑茶可以預防感冒、暖胃，入口甜而微辣，感冒嘅話飲返杯出吓汗，加速痊癒。

做法：
薑一塊，洗淨後切片，放入滾水中，再加入適量黑糖，將黑糖煮至溶化即可。

Photo from Pinterest

金盞菊茶
金盞花清熱降火，感冒時飲用有助退燒清火，緩解感冒症狀。金盞花茶仲有助強化微血管彈性，可以預防心血管疾病。

做法：
取適量金盞花，用滾水沖泡 10 ～ 15 分鐘即可。

Photo from Pinterest

玫瑰花茶
玫瑰花茶有助舒緩壓力、養顏美容，非常適合女性飲用。而且玫瑰花茶仲顧肝、活血止痛，增強血液循環及新陳代謝，有助預防手腳冰冷。不過注意有便秘人士及孕婦不可多飲。

做法：
取適量玫瑰花，用滾水沖泡 10 ～ 15 分鐘即可。

Photo from Pinterest

枸杞茶
枸杞除咗明目之外仲養肝、補氣健脾、有助改善睡眠，秋冬適合飲枸杞茶滋補吓。不過切記感冒、發燒或身體有發炎症狀人士不適飲用。

做法：
取適量枸杞，用滾水沖泡 10 ～ 15 分鐘即可。

Photo from Pinterest

呢幾款養生茶方便易整，有興趣嘅記住試吓啦，過返個暖笠笠嘅秋冬～

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）