韓娛圈業內人士票選 2020「10 大螢幕情侶」　金秀賢徐睿知上榜！第一位眾望所歸！

2020 年韓劇有好多話題作，好似《愛的迫降》、《夫婦的世界》等，劇集嘅熱播都造就咗好多螢幕情侶。韓媒 Joynews 24 針對「2020 年最佳螢幕情侶」向約 200 位業界人士進行投票，大熱韓劇《夫婦的世界》、《雖然是精神病但沒關係》等都有上榜！

第 10 位：《秘密森林 2》曹承佑、裴斗娜
《秘密森林 2》中「黃始木」（曹承佑 飾）與「韓汝珍」（裴斗娜 飾）聯手查案，默契滿分！

Photo from tvN

第 9 位：《浪漫醫生金師傅 2》安孝燮、李聖經
喺劇集入面「徐宇震」（安孝燮 飾）當「車恩彩」（李聖經 飾）遇到困難時，一直喺背後默默支持佢，兩人日久生情。當時兩人嘅感情線被視為劇集嘅其中一大看點！

Photo from SBS

第 8 位：《惡之花》李準基、文彩元
《惡之花》播出時討論度好高，節目大獲好評。兩人喺劇中飾演夫婦，而現實中文彩元曾透露自己讀書時期係李準基嘅粉絲！竟然可以同偶像拍戲，仲係飾演夫妻，只能說文彩元簡直係粉絲中嘅典範！

Photo from tvN

第 7 位：《夫婦的世界》朴海俊、金喜愛
大熱狗血劇《夫婦的世界》收視高企，話題度十足。而朴海俊同金喜愛雖然喺劇入面反目成仇，不過依然登上「最佳螢幕情侶」第七位！

Photo from JTBC

第 6 位：《結過一次了》李相燁、李珉廷
李相燁、李珉廷喺劇集入面飾演夫婦，默契十足。而《結過一次了》喺韓國人氣好高，收視仲高過《夫婦的世界》！

Photo from 《結過一次了》

第 5 位：《那個男人的記憶法》金東旭、文佳煐
金東旭飾演新聞主播，文佳煐飾演頂級女演員，兩人展開一場愛情羅曼史。金東旭同文佳煐雖然相差 13 歲，不過 CP 感滿滿，深受劇迷歡迎。

Photo from MBC

第 4 位：《Hyena：富豪辯護人》朱智勳、金惠秀
金惠秀同朱智勳相差 12 歲，劇集播放前引起網民熱烈討論，不過兩人喺劇中有趣嘅互動最終收穫到劇迷嘅支持。

Photo from SBS

第 3 位：《結過一次了》李相二、李礎熙
《結過一次了》又再次上榜！李相二、李礎熙喺劇中飾演情侶，佢哋喺韓國嘅討論度非常高，仲一齊出演韓國熱門綜藝《認識的哥哥》，受歡迎程度直逼李相燁、李珉廷！

Photo from 《結過一次了》

第 2 位：《雖然是精神病但沒關係》金秀賢、徐睿知
《雖然是精神病但沒關係》由男神金秀賢主演，播出前已經令粉絲非常期待，而徐睿知亦憑此劇爆紅，佢苗條嘅身材仲成為一時熱話！而兩人喺劇中多個甜蜜場面都成為話題，好似「蝴蝶擁抱」仲成為當時嘅大熱浪漫動作！

Photo from tvN

第 1 位：《愛的迫降》玄彬、孫藝真
玄彬、孫藝真憑《愛的迫降》成為第一位！兩人唔止戲裡甜蜜，就連戲外互動都非常自然、甜蜜，後來仲傳出緋聞，雖然兩人都否認，不過粉絲依然希望佢哋假戲真做，所以佢哋登上「最佳螢幕情侶」第一位寶座簡直係眾望所歸！

Photo from tvN

大家心目中嘅最佳螢幕情侶有冇上榜呢？

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）