自爆被小鮮肉調戲感回春!鄧麗欣半年冇見男友王子 隔空晒愛:The one and the only one

自爆被小鮮肉調戲感回春!鄧麗欣半年冇見男友王子 隔空晒愛:The one and the only one

生活熱話 娛樂新聞
ByCelia on 20 Nov 2020 Digital Editor

近年轉戰影壇嘅鄧麗欣(Stephy)近日就出席 ViuTV劇集《男排女將》嘅宣傳活動,活動中 Stephy 除咗率領 MIRROR 成員一齊示範排球動作外,佢仲自爆自己因為同一班小鮮肉拍戲而有點春嘅感覺添!此外佢更隔空晒愛,話男友王子係「The one and the only one。」真係閃到呢!

Stephy 日前與 MIRROR 及 ERROR 成員以及陳宇琛、顧定軒為 ViuTV 劇集《男排女將》宣傳,一眾演員除咗示範排球動作外,仲同甲一球隊比賽,氣氛熱鬧。

Stephy 日前與 MIRROR 及 ERROR 成員以及陳宇琛、顧定軒為 ViuTV 劇集《男排女將》宣傳
Photo from stboo/IG

一眾演員除咗示範排球動作外,仲同甲一球隊比賽
Photo from stboo/IG

而喺訪問期間,Stephy 就大談拍攝趣事,指自己喺拍攝期被一班小鮮肉調戲,其中 Alton 和肥仔就比較夠膽玩,仲搞到 Stephy 都話有時會招架不住,感覺就好似重返校園時代咁:「被其他男仔調戲是中小學生年代,已經幾十年沒發生,Alton 和肥仔比較夠膽玩,有時都招架不住,肥仔仲問我攞聯絡電話,但沒有找我。」

Stephy大談拍攝趣事,指自己喺拍攝期被一班小鮮肉調戲,其中 Alton 和 肥仔就比較夠膽玩
Photo from stboo/IG

Stephy 都話有時會招架不住
Photo from stboo/IG

而當被問到有冇喺 MIRROR 嘅成員中搵冇見大半年嘅台灣男友王子嘅影子時,Stephy 直言:「No No No,都唔似。」又喺大家問佢王子係咪佢嘅「The one」時,Stephy 即冧爆笑言:「and the only one。」夾埋就係一句「The one and the only one」Stephy 依個隔空晒恩愛,真係好閃呀!

Stephy 依個隔空晒恩愛,真係好閃呀!
Photo from stboo/IG

廣告
廣告

另外,有指今次喺劇中飾演排球教練嘅佢已經升呢變成姐姐,佢就搞笑話自己就算做媽媽角色都接受到:「冇問題呀,都未到做媽媽,就算做媽媽角色自己都接受到,都要面對現實,所做嘅角色都要成長,依家要我做番《9個女仔1隻鬼》都唔好意思啦,哈哈。」睇嚟 Stephy 都準備好挑戰做媽媽嘅角色喇喎!

此外,劇集嘅主題曲《著地》亦喺近日釋出 MV,今次 Stephy 仲親自主唱同填詞,更破天荒邀請大師級音樂人黃貫中(Paul)作曲及擔任歌曲監製。

喺劇集正式開播之前一齊嚟聽吓主題曲先喇!

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook