《熔爐》變態校長女廁偷窺成經典　現實慈父為家計犯眾憎

講起電影《熔爐》，除咗諗起男神孔劉之外，另一個「深入民心」嘅角色應該就係「變態校長」一角，飾演「變態校長」嘅演員張光早前喺韓國節目《新穎的整理》（《신박한정리》）中剖白當時拍攝心境。

《熔爐》改編自真人真事，由孔劉主演，講述喺一間聾啞學校發生嘅兒童被集體性侵、虐待案。《熔爐》成為咗孔劉嘅代表作，而另一位憑電影出名嘅一定係飾演「變態校長」嘅張光，不過佢受到嘅並唔係大眾嘅歡迎，而係恐懼。

Photo from 《熔爐》

Photo from 《新穎的整理》

張光飾演嘅校長性侵學生，最經典嘅莫過於躲於女廁偷窺學生一幕。女學生為咗躲避校長，跑入廁所，點知「變態校長」跟埋入去，仲喺隔嚟廁格嘅上方探頭偷窺學生，面露猥瑣笑容，直視廁格中嘅女學生，女學生抬頭一睇，嚇到大喊。呢一幕經典之餘同時令人心寒，心有餘悸。

Photo from 《新穎的整理》

Photo from 《新穎的整理》

電影播出之後，口碑非常好，而張光飾演嘅「變態校長」太「深入民心」而被定位，好多人一見到佢就覺得驚。但其實張光喺現實中係一位慈父，佢早前喺韓國節目中透露接到呢個角色時非常苦惱。

Photo from 《新穎的整理》

張光表示自己係一名基督徒，但校長呢個角色太惡毒，所以非常苦惱應唔應該接拍呢個角色，不過當時家庭環境唔太好，為咗養活家人唯有出演。之後透過《熔爐》打開知名度，開始有其他作品搵佢出演，經濟狀況慢慢好轉。

Photo from 《新穎的整理》

但因為校長一角令身邊一啲親朋好友見到佢都驚，有一種莫名嘅恐懼。佢仲爆料話自己之前去釜山時，被兩位大媽認出，佢親切地主動提出同佢哋合照，點知嗰兩位大媽掉頭就走。雖然呢段經歷有啲尷尬，不過換個角度思考，證明張光嘅演技非常好，先可以令大眾對佢嘅角色印象咁深刻。

Photo from 《新穎的整理》

大家有冇睇過呢套戲呢？小編當時睇呢套戲嗰陣都睇到有啲陰影，特別係女廁偷窺嗰幕。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）