劉在錫與素人撞樣十足十　：我以為係我自己影嘅相

劉在錫主持嘅節目《玩甚麼好呢？》早前播出嘅一集中，劉在錫同另外兩位主持人金鐘民、Defconn 一齊閱讀觀眾嘅來信，幫委託人傳遞心意，不過竟然意外搵到劉在錫嘅「雙胞胎兄弟」？！

綜藝節目《玩甚麼好呢？》早前播出嘅一集中，以幫委託人傳遞心意為主題，劉在錫同另外兩位主持人金鐘民、Defconn 一齊閱讀觀眾嘅來信，幫委託人表達心意。其中一位委託人表示自己嘅丈夫原本係小學嘅籃球教練，但因為疫情關係，冇得教籃球，為咗生計而開始做配送工作，知道丈夫好辛苦，所以想多謝丈夫。

Photo from 《놀면 뭐하니?》

Photo from 《놀면 뭐하니?》

呢位委託人亦都將丈夫嘅照片畀咗節目組，仲話同劉在錫好似樣。當照片公開之後，三位主持人瞬間爆笑，劉在錫笑到見牙唔見眼，另外兩位主持人非常驚訝，因為唔止少少似，係勁似！連劉在錫都話：「我以為係我除眼鏡之後影嘅相！」三位主持人一邊睇一邊大嗌好神奇，真係好似樣。

Photo from 《놀면 뭐하니?》

Photo from 《놀면 뭐하니?》

Photo from 《놀면 뭐하니?》

另一位主持人 Defconn 仲表示個髮型同劉在錫拍攝《X-Man》時期嘅髮型一樣，劉在錫都表示以為係自己影嘅相！金鐘民、Defconn 仲話佢哋嘅下巴、鼻及眼都好似，完全一樣。

Photo from 《놀면 뭐하니?》

Photo from 《놀면 뭐하니?》

Defconn 仲搞笑話：「你哋可以一齊去雙胞胎祝祭」，金鐘民都表示完全 100% 相信係雙胞胎。

Photo from 《놀면 뭐하니?》

Photo from 《놀면 뭐하니?》

唔係講笑，真係好似！話係雙胞胎應該冇人唔信！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）