Apple AirPods Max 登場！罩耳式耳機 7 大功能/價錢/發售日一覽

繼之前Apple Watch、iPad 系列、iPhone 12以及 Mac 嘅三場發布會後，喺大家以為今次唔會再有新產品推出時，Apple 尋晚就突然送上聖誕驚喜！為大家正式帶新頭戴式耳機 AirPods Max，而且仲好似 iPhone 咁有 5 款顏色畀大家揀呀！今年聖誕又多個禮物選擇喇～

今次都會整個懶人包畀你一次過睇晒新耳機價錢、開賣日期同7 大特點功能！

1. 顏色
AirPods Max 雖然係 AirPods 家族嘅一員，但今次嘅 AirPods Max 就設有 5 款顏色畀大家揀，包括：太空灰、銀色、綠色、天藍色、粉紅色。

2. 高度傳真音色
AirPods Max 搭載 40 毫米 Apple 設計動圈驅動器，提供豐富、低沉嘅低音，精準嘅中音與清脆、乾淨嘅高頻擴展，每個音符都可以清楚聽見。獨特嘅雙釹環形磁鐵電動機令 AirPods Max 總諧波失真喺整個可聽範圍內維持 1% 以下，就算最大音量情況亦都一樣。

3. 適應性 EQ
AirPods Max 使用咗適應性 EQ，藉由測量傳遞畀使用者嘅聲音訊號，並即時調整低頻與中頻，根據耳罩軟墊嘅密合度調整聲音，捕捉每個細節實現豐富嘅音響。

4. 主動消噪
透過主動式消噪功能提供沉浸式音效，令用家可以集中聆聽音樂。每個耳罩配備三個向外式 mic，以偵測環境噪音，而耳罩內嘅 mic 會監控傳送到用家耳仔嘅聲音。利用運算音訊技術，消噪功能可持續因應耳筒密合度與用家嘅動作即時自動調教。

5. 空間音響效果
空間音響效果通過動態頭部追蹤，喺整個虛擬空間中佈置聲場，為 5.1、7.1 與杜比全景聲內容，帶嚟沈浸式、劇院般體驗。同時利用 AirPods Max 與 iPhone/iPad 嘅陀螺儀與加速感應器，空間音訊效果會追蹤使用者頭部與裝置嘅運動，比較移動數據，然後重新映射音場，即使用家頭部移動時，亦能將聲場錨定喺設備上。

6. 電池
AirPods Max 提供高達 20 小時嘅高度傳真音色、通話時間或電影播放，且有主動消噪功能與空間音訊效果。

7. 售價
AirPods Max 售價為 HK$4,599，並即日起接受預訂，將於 12 月 15 日星期二開始發售。

即刻重溫 Apple Event：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）