Apple MagSafe 雙充電器同時幫 iPhone/Apple Watch叉電　摺合收藏啱晒成日出trip/旅行人士

自 10 月 Apple 喺 iPhone 12 發布會中宣布推出 MagSafe 可摺疊式充電板後，近日終於正式有得買喇！依個可以同時為 iPhone 與 Apple Watch 充電，可摺合收藏方便攜帶嘅充電器，有指可高效率的無線充電體驗，一系列配件，一拍即夾。不過價位就唔算平，一個就要 HKD$1,049，到底係咪真係咁勁，今次就嚟同大家率先開箱試吓喇！

iPhone 12 系列加入 MagSafe 磁吸式無線充電功能，而無線充電又係未來幾年嘅趨勢時，一個一站式嘅充電裝置就係唔少人嘅首選充電器。

Apple 今次推出依個 MagSafe 雙充電器同單一 MagSafe 充電器一樣，採用無線充電線圈四周配備磁石陣列，能迅速精準對位，每次都能與 iPhone 完美連接。充電器提供高達 15W 電力，係過往嘅 2 倍。

此外，MagSafe 雙充電器嘅另一個特點就係你可以一口氣為兩款產品充電，一邊專為Apple Watch而設，另一邊則可以為iPhone及AirPods充電。

而 iPhone 12 嘅充電位更具有 NFC 功能，令連接性增強。喺貼上 MagSafe 充電線後，iPhone 可自動進入時鐘模式。

官網亦建議大家可以使用 20W USB-C 電源轉換器，以享有功率高達 11W 更快無線充電，或使用 27W 或更高功率嘅 USB-C 電源轉換器，以享有功率高達 14W 嘅更快無線充電。（註：電源轉換器係獨立發售！）

另外 MagSafe 雙充電器係可以摺合收藏，出門時就可以帶少一條充電線一個插頭，啱晒同時擁有 iPhone 同 Apple Watch 嘅朋友出 trip 或去旅行時使用。

用後感:
如果以 iPhone 12 嚟講，將 MagSafe Duo 摺合都可以吸實手機方便大家一邊叉電一邊用手機，但如果你仲用緊 iPhone 11 或以下嘅手機就唔得喇；而以充電速度嚟睇，如果大家本身係 MacBook 用家，而你又用緊 USB-C 嘅電源轉換器，咁喺充電速度上都唔算太慢嘅，不過都如官網建議，如果大家真係想試嘅最好都要搵 20W 以上嘅 USB-C 電源轉換器連接，如果唔係就有可能出現叉唔到電嘅情況。此外，佢嘅摺合設計，如果喺定點使用嚟講個人認為係幾方便嘅，事關只要喺公司或屋企各準備一條充電線就可以同時叉晒兩樣嘢，仲唔怕喺街到會整唔見條充電線！對同時用緊 iPhone 同 Apple Watch 嘅個人嚟講的確唔錯嘅選擇～

目前此 MagSafe 雙充電器已喺 Apple 網店（LINK）上架，有興趣嘅大家唔好錯過喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）